Ўзбекистонда янги ўқув йили бошланди

Бугун, 4 сентябрь куни Республикамизнинг барча умумтаълим мактабларида, академик лицей ва касб-ҳунар коллежлари, ҳамда олий ўқув юртларида янги 2016- 2017 ўқув йили бошланди. Янги ўқув йилининг биринчи соатида умумтаълим мактабларида Ўзбекистон Республикасининг Биринчи Президенти Ислом Абдуғаниевич Каримовнинг порлоқ хотирасига бағишланган «Хотира дарслари» билан бошланди. 

Янги ўқув йилининг биринчи соатида ўқувчиларга Президент Ислом Абдуғаниевич Каримовнинг Ватанимиз мустақиллиги, халқимиз озодлиги йўлида кўрсатган фидойилиги, она-юртга муҳаббат, миллатимиз олдидаги юксак хизматлари ҳақида сабоқлар берилди.

1-синфга борган 640минг ўқувчиларга мустақиллик йилларида анъанага айланган «Президент совғаси» топширилди. Кичкинтой ўқувчиларга топширилган совға ўз ичига 12 номдаги ўқув қуроллари ва ўқувчи сумкасидан иборат бўлди. 

Kunutun.uz нинг Telegram’даги расмий каналига обуна бўлиб, янгиликлардан кунутун хабардор бўлинг.