Ўзбекистоннинг бош арчаси чироқларини ёқди
Ўзбекистоннинг бош арчаси бу йил пойтахтимиздаги «Анҳор-Локомотив» боғи ёнида жойлашди ва унинг чироқлари ёндирилди. Арча узунлиги 26 метр, диаметри 7,7 метр. Пойтахтимизда 2016 йил 28 декабрдан 2017 йил 8 январгача Янги йил байрами маданий тадбирлари ўтказилади.
Эслатиб ўтамиз, пойтахтимизда «Анҳор-Локомотив» боғи ёнида жойлашадиган асосий арчадан ташқари 8та янги йил арчаси ўрнатилади. Улар шаҳримизнинг турли майдонларида жойлашади.
1. «Мустақиллик» майдони
2. Roison Elektronics корхонаси ёнидаги майдон (Ал Ҳоразмий мавзеси)
3. Сайилгоҳ майдони (Юнусобод тумани)
4. Ҳадра майдони (Шайхонтоҳур тумани)
5. Зобитлар уйи ёнидаги майдон (собиқ Авиасозлар саройи, Яшнобод тумани);
6. Бахтдиёр гузари майдони (Сергели тумани)
7. «Локомотив» боғи (Мирзо Улуғбек тумани)
8. «Қуёшча нури» боғи (Бектемир тумани)
Байрам муносабати билан бу масканларда театрлаштирилган намойишлар ва халқ сайиллари ташкил этилади.
ИЗОҲЛАР 0