Рафет Эл Роман, Алессандро Сафина​​, Надежда Бабкина «Шарқ тароналари»да

Самарқанд шаҳрида бўлиб ўтаётган «Шарқ тароналари» Халқаро мусиқа фестивалида опера ва эстрада йўналишадаги ижрочи Алессандро Сафина​​, турк хонандаси Рафет Эл Роман, Россия халқ артисти Надежда Бабкиналар чиқиши бўлиб ўтади.

Айни дамда жаҳонга машҳур хонандалар Самарқанд шаҳрига ташриф буюришган ва репетиция жараёнларида иштирок этишмоқда. 

Бугун, 28 август куни фестивалнинг расмий очилиш маросими бўлиб ўтади. 

Надежда Бабкина ва Шухрат Қаюмов

Учқун Тиллаев, Нилуфар Сотиболдиева, Алессандро Сафина ва Рафет Эл Роман

Ушбу фестивалда турли хил мамлакатлардан 120 нафар жамоа иштирок этмоқда. Дастурдан миллий мусиқа ижрочилари танлови қолаверса мусиқашунос, бастакор ва ижрочилар иштирокидаги илмий-амалий анжуман ўрин олган.

Танловнинг гран-приси 10.000$ АҚШ долларини ташкил этади. Тўлиқ дастур билан бу ерда танишишингиз мумкин.

Ушбу мусиқий фестиваль Самарқанд шаҳрида 1997 йилдан буён икки йилда бир маротаба ўтказиб келинади.

Фестивалдан ёрқин фотосуратлар сайтимизда.

Kunutun.uz нинг Telegram’даги расмий каналига обуна бўлиб, янгиликлардан кунутун хабардор бўлинг.