Райҳондан фойдаланишди!

Фирибгарлар озиш воситасини реклама қилиш мақсадида Райҳон қиёфасидан ёлғон тарзда фойдаланишди.

Интернет тармоғида хонанда Райҳон Ғаниева, Россиялик телебошловчи Андрей Малаховнинг «Пусть говорят» кўрсатувида қандай восита ёрдамида озганлиги тўғрисида интервью бергани ҳақидаги маълумот пайдо бўлди. 

Бу рекламани кўрган хонанда ўзининг инстаграмдаги саҳифасида тарқатилаётган маълумот ёлғон эканлигини қуйидаги сўзлар орқали маълум қилди:

«Менинг азизларим, Сизга мурожаат этган ҳолда, фирибгарлар томонидан реклама мақсадида тарқатилаётган мен ҳақимдаги маълумотларни инкор этмоқчиман. Бу мавзуда ҳеч қандай интервью бермаганман. Қандайдир дори воситаси ёрдамида озиш ҳақидаги барча маълумотлар ёлғон. Сизлардан ишонмасликни, айниқса бу препаратни истеъмол қилмасликларингизни сўрайман» -деб, ёзади Райҳон.

Kunutun.uz нинг Telegram’даги расмий каналига обуна бўлиб, янгиликлардан кунутун хабардор бўлинг.