Сайёҳлар учун визаларни бекор қилиш кечиктирилди
Ўзбекистон Республикасига 27 мамлакатдан ташриф буюрувчи сайёҳлар учун виза тартибини бекор қилиш тўғрисидаги фармон 2017 йил 1 апрелдан кучга кириши керак бўлган Президент фармони ижроси 2021 йил 1 январга қадар қолдирилди.
Фармонга ўзгартириш Президент Шавкат Мирзиёевнинг 2016 йилнинг 22 декабрдаги қарори билан тасдиқланган.
Эслатиб ўтиш жоизки, Президент фармонига мувофиқ, 1 апрелдан 15 давлат сайёҳлари ва 12 мамлакатнинг 55 ёшдан ошган сайёҳлари учун виза тартибини бекор қилиш режалаштирилган эди.
Фармон ижросини кечиктириш қарори, сайёҳлик фаолиятини барқарор ва мувозанатлаштирилган ҳолда тараққий эттириш, зарур моддий-техник базани шакллантириш, хорижлик сайёҳлар ва республика фуқаролари ҳаёти хавфсизлиги ва саломатлигини таъминлаш, шунингдек, чет эл давлатлари билан тенг ҳуқуқли ташқи иқтисодий ҳамкорликни ривожлантириш мақсадида қабул қилинган.
ИЗОҲЛАР 0