Шарқ тароналари фестивалининг очилиши

Кўхна Самарқанд шаҳрида дунё миқиёсида анъанавий маданият ва санъат байрамига айланиб бораётган “Шарқ тароналари” Х- халқаро мусиқа фестивали ўз ишини бошлади. Фестивал иштирокчилари маҳоратини дунёнинг 10 та давлатидан таклиф этилган Халқаро жюри аъзолари баҳолайдилар. Самарқанд шаҳри ҳозир ушбу фестивал сабабли янада гўзал тусга кирган. Мусиқа фестивали дастури доирасида турли давлатлардан келган миллий мусиқа ижрочилиги намуналарининг намойиши шунингдек, мусиқашунослар, композитор ва ижрочилар иштирокидаги илмий-амалий анжуманлар ўтказилмоқда.
Бугунги кунга келиб фестивалнинг дунёдаги нуфузи тобора ортиб бормоқда. Унда иштирок этиш ниятида бўлган санъаткорлар сони йилдан-йилга ошаётгани бунинг исботидир. Фестиваль ЮНЕСКО томонидан Шарқнинг йирик мусиқий анжумани сифатида тан олингани ва ушбу ташкилот шафелиги остида ўтказилаётгани унинг аҳамияти қанчалик юқори эканини кўрсатади.