Спортчиларимизни кутиб олишга тайёргарлик авжида

XXXI ёзги Олимпия ўйинларида иштирок этган Ўзбекистон спорт делегацияси келтирган ютуқлар барчамизнинг қалбимизда ғурур ва ифтиҳор туйғусини уйғотади. 2016 йилнинг август ойи ўзбек спорти тарихида зарҳал ҳарфлар билан битилади ва юртдошларимиз хотирасини ва қалбини ҳали узоқ вақт қувонч, ғурур, шараф-шонга тўлдириб туриши аниқ.

Ҳа, ўша миллатимиз ғурурлари бугун юртимиз Ўзбекистонга қайтишади. Уларни муносиб кутиб олиш борасида катта ҳажмдаги ишлар амалга оширилмоқда.  Айни пайтда спортчиларимизни аэропортдан керакли манзилгача етказиб бориш учун махсус тайёргарлик кўрилмоқда. 

Пойтахтимиздаги махсус буюртма орқали олиб келинган HIGER KLQ6119 GS икки қаватли автобуслари олимпиачиларимизни кутиб олишга тайёрланмоқда.

Даблдекерларнинг бир тарафига «Биз сиз билан фахрланамиз!» ёзилган бўлса, бошқа бир тарафига  «Ўзбекистон келажаги буюк давлат!», деган сўзлар ёзилган. 

 

 

 

 

Манба: sports.uz

Kunutun.uz нинг Telegram’даги расмий каналига обуна бўлиб, янгиликлардан кунутун хабардор бўлинг.