Тошкентда янги йўл транспорти айланаси очилди

Тўрт ой давомида қурилиши давом этган пойтахтимиздаги янги халқа йўли айланаси узунлиги 22 километрни ташкил этади. 

Янги йўл, Нурафшон кўчасининг «Тинчлик» метро бекатидан Оқтепа майдони ва Муқимий кўчаси орқали Нукус кўчасига боғланади. Янги йўл Қодирий ва Рашидов шоҳ кўчаларини ҳам ўз ичига олган. 
 

 

 

 

 

 

 

 

Шунингдек, қурилиш ишлари вақтида Лутфий ва Муқимий кўчаларида пиёдалар учун қулай бўлган ер усти ўтиш йўли барпо этилган. 
 

Муқимий кўчаси бутунлай таъмирланган ва автомобиллар ҳаракатланиши учун очилди. Кўча бўйлаб жойлашган барча турар жой уйлари, турли ҳил маиший ҳизматдаги бинолар таъмирланган. Махсус йўловчи транспортлари учун мўлжалланган остановкалар ҳам қайта таъмирланиб, янги ойна билан ўралганларига алмаштирилган. 
 

 

 

 

 

Эндиликда Тараққиёт кўчаси бўйлаб, Оҳангарон шоссесига етиб бориш мумкин. Янги 3 километрлик йўл собиқ Тошкент механика заводи ёнидан ўтган. 
 

Кичик халканинг очилиши пойтахтимизнинг бошка трассаларидаги тирбандликни камайтириб, шаҳар марказидан Чилонзор, Эски шахар ва аксинча ҳаракатни осонлаштиради, бир йўла пойтахтнинг 8 туманини бирлаштирган ҳалқа йўли Оқтепа майдонидаги транспорт ҳаракати интенсивлигини соатига 4минг автомобилга оширади.

Kunutun.uz нинг Telegram’даги расмий каналига обуна бўлиб, янгиликлардан кунутун хабардор бўлинг.