Тошкентдаги янги арт-объектларга назар

Шаҳар бўйлаб янги инсталляциялар ўрнатилмоқда.

Лолақизғалдоқ кўринишидаги қизил чироқлар, пиёдалар йўлкаларида қад ростлаётган геометрик аркалар, футуристик услубдаги ўриндиқлар. Сизлар билан ўзгараётган Тошкентнинг фотосуратларини бўлишиш учун шаҳар бўйлаб кездик. 

Тунги ёритгичларни эслатувчи чироқлар пойтахтнинг Нукус ва Бобур кўчалари кесишмасида ўрнатилган. Қуёш ботиши билан уларнинг чироғи ёниб, атрофни ёритади.

Қарама қарши тарафда эса геометрик аркалар ўрнатилган. 

 

 

 

 

 

Grand Palace (собиқ ТАТА) меҳмонхонаси олдидаги янгиланган боғда нафақат яёв, балки велосипедда сайр қилиш учун ҳам қулайликлар яратилган. Тунги чироқлар вазифасини замонавий, ёритгичлар билан жиҳозланган металл конструкциялар ўрнатилган. 

Шароф Рашидов кўчаси, Мустақиллик майдони қаршисида улкан қирмизи лолалар ўрнатилган.

Ҳудди шундай лолаларни Шота Рутсавели кўчасида жойлашган А.С.Пушкин ҳайкали атрофидаги майдонда ҳам кўриш мумкин.

Навоий номидаги Давлат Академик Катта театри ёнидаги аллеяда ноанъанавий кўринишдаги ўриндиқлар қад ростлаган.

Рангли кийик кўринишидаги яна бир арт-объект Бешёғоч майдони ёнида ва Wyndham меҳмонхонаси қаршисида жойлашган.

Яқиндагина таъмирдан чиққан «Central Park» боғи ёнида қўшимча чироқлар ўрнатилган. 

«Буюк ипак йўли» метро бекти ёнида TASHKENT LOVES YOU ёзуви ўрнатилган.

Эндиликда Тошкентимизда рўй бераётган ўзгаришларга ҳар бир фуқаро ўз ҳиссасини қўшиши мумкин. Тошкент шаҳар ҳокимияти томонидан фуқаролар таклифларин қабул қилиш бўйича янги лойиҳа ташкил этилди. Ҳар бир хоҳловчи https://tashkent-idea.org/ ҳаволаси орқали ўтиб, ўз таклифини қолдириши мумкин.

Kunutun.uz нинг Telegram’даги расмий каналига обуна бўлиб, янгиликлардан кунутун хабардор бўлинг.