Уй бекалари орзусидаги машина

Барча уй бекалари учун ажойиб янгилик. Қандай дейсизми? Ниҳоят ювилган кирларни қуритиб, дазмоллаб, сиз учун тахлаб қўядиган машина пайдо бўлди. Сизга фақат нарсалрингизни жавонларга қўйиш қолади. Бундай ажойиб машина номи Foldi Mate бўлиб, у 2017 йилдан бошлаб сотувга чиқади. Албатта барча уй бекалари бундай машинани интизорлик билан кутиши шубҳасиз.  У сотувга чиққунча эса, орзудаги машина афзалликлари билан қуйида бир четдан танишиб чиқамиз.

Ажойиб машина нархи 700$дан 850$гача. Машина Сан-Францискода ихтиро қилинган.

Уй бекалари учун ёрдамга келадиган машина узунлиги 82 см, эни эса 71 см. Конвейр лента, бир қанча роботлаштирилган «қўллар» ва мунтазам равишда тахланган кирни чиқарадиган лотокдан иборат.

Бу ажойиб қурилмани кир ювиш машинаси устига, қуритгич ёки стол устига қўйиш мумкин. Ишлаб чиқарувчилар қулайлик сифатида ғилдиракли столни таклиф этдилар.

Машинага 15тадан ортмаган ҳолда нарсаларни солиш мумкин.  Тугмалар ёрдамида эса солган кийимингиз қандай турга киришини кўрсатиш мумкин (куйлак ёки шим).

Kunutun.uz нинг Telegram’даги расмий каналига обуна бўлиб, янгиликлардан кунутун хабардор бўлинг.