Юлдуз Усмоновадан халқлар дўстлиги

Ўзбекистон Халқ артисти Юлдуз Усмонова Шанхай ҳамкорлик ташкилотининг юбилей саммитига бағишлаб, халқлар дўстлиги ҳақида қўшиқ куйлади.

23-24 июнь кунлари пойтахтимиз Тошкент шаҳрида бўлиб ўтадиган Шанхай ҳамкорлик ташкилоти саммити арафасида YouTube тармоғида Юлдуз Усмонованинг янги қўшиғи жойлаштирилди.

Тарона ШҲТ иштирокчи давлатларининг (Хитой, Қозоғистон, Қирғизистон, Россия, Тожикистон ва Ўзбекистон) дўстлигига бағишланган. Композиция олти тилда ижро этилган.

Қўшиқ, халқларни тинчликда, дўстликда ва келишувда яшашга чорлайди: 

Бу кўхна юртларда, кадим элларда, тинчлик қўшиқлари яшнар тилларда,

қозоғим-қирғизим, тожик-ўзбегим, Хитой, Россия меҳру дилларда. 

Ватанлар юксалсин, яшнасин далам, гўдаклар бошида янграсин алла

Ҳеч завол топмасин рўйи жаҳоним. 

Хонанданинг мазкур янги ижод иши YouTube тизимида бир сутка ичида 6000 ортиқроқ марта кўрилган.

Kunutun.uz нинг Telegram’даги расмий каналига обуна бўлиб, янгиликлардан кунутун хабардор бўлинг.