Ангрендаги мактаб интернатда “Smart class” -“Ақлли” синфнинг очилиш тақдимоти

Жорий йилнинг 10 йил куни Ангрен шаҳрида жойлашган 34-сонли интернат мактабида Samsung “Ақлли” синфнинг илк тақдимоти бўлиб ўтди. 

Ушбу тақдимот Samsung Electronics Central Eurasia компаниясининг иштимоий корпоратив маъсуллик дастури доирасидаги Ўзбекистонда Samsung Smart Shool таълим дастурини ишга тушириш асосида бўлиб ўтди. 
 

 

 

Ангрен шаҳрида жойлашган 34-сонли интернат мактабида биринчи маротаба очилган “Smart class”нинг тақдимоти катта ҳурсандчиликда ўтди деса муболаға бўлмайди. Ушбу муносабат билан  тақдимотга Ангрен шаҳрининг хокими Иброхимжон Рахманов шахсан ўзлари, шунингдек Samsung Electronics компаниясининг Ўзбекистондаги компанияси Бош раиси Гым Чан Ли, Samsung Electronics компаниясининг Ўзбекистондаги телекоммуникацион ва IТ маҳсулотларини ривожлантириш бўлими директори Шин Вунг Минлар иштирок этишди. 

 

Интернат мактабда жиҳозланган “Ақлли” синфда мактаб тарбияланувчилари бўлиб ўтган очиқ дарсда ўзларининг замонавий ускуналардан, планшетлардан фойдаланиш маҳоратларини, планшетда турли амаллар бажариш орқали Samsung компанияси вакилларига намойиш этдилар.
 

 

Шу қаторда Samsung компанияси вакиллари ҳам ўқувчилар билан мулоқатда бўлиб, ушбу замонавий жиҳозлардан фойдаланишнинг баъзи сирларини ва унинг афзаллик тарафларини кўрсатиб ўтишди.

 

Инновацион “Smart class” 34-интернат мактаби ўқувчилари ва ўқитувчиларига таълим бериш ва олиш вақтида кўпгина қулайлик ва имкониятлар яратади. Ўқув жараёнини такомиллаштириб, ўқувчиларнинг билм олишга қизиқишларини кучайтиради, компьютер саводларини оширади ва умуман билм даражалари юқори савияда бўлишига кўмак беради. 
 

 

Samsung компанияси томонидан тақдим этилган бундай имконият 34-интернат мактаб тарбияланувчиларига прогрессив технологиялар ва ҳаётий реалликни тезроқ англаб етишларига ёрдам бериши шубҳасиздир.

Samsung компанияси вакилларининг айтишларича, инновацион “Smart class”ларда билм олиш  имконияти Ўзбекистоннинг бошқа ўқув даргоҳларида ҳам йўлга қўйилиши режалаштирилган.

Компания вакиллари томонидан Samsung Smart Shool таълим дастури бўйича амалга оширилган бу хайрли ишдан 34-сонли интернат мактаби ўқитувчилари ва ўқувчилари биринчилардан бўлиб фойдаланиш имконига эга бўлдилар ва бундан жуда ҳам мамнун бўлиб, Samsung компанияси вакилларига ўзларининг чексиз миннатдорчиликларини билдириб қолишди. 

 

Ушбу тақдимотда Ангрен шаҳрининг хокими Иброхимжон Рахмонов, Гым Чан Ли ва Шин Вунг Минларга шунингдек, ушбу хайрли ишнинг барча иштирокчиларига катта миннатдорчилик сўзларини айтиб ўтдилар. Икки тарафнинг ўзаро мулоқатида шунингдек, шаҳар хокими Samsung компанияси вакилларига ўзаро ҳамкорлик ишларини амалга ошириш таклифларини ҳам бериб, шаҳарнинг саноат ишлаб чиқариш имкониятлари билан таништириб, келажакдаги истиқболли ҳамкорликка умид боғлаб қолишларини айтиб ўтдилар.
 

 

Тақдимот маросими Интернат мактаби директори Мирзаев Файзулло, ўқитувчилар ва тарбияланувчиларининг Samsung компанияси вакилларига катта ташаккурлари билан тугади.

Ушбу севинчли кун суратлар билан мухрланиб қўйилди.