Канн-2016: Айшвария Райнинг бежирим либослари

Шу кунларда дунё кинематографиясида муҳим воқеа ҳисобланган 69-Канн халқаро кинофестивали бўлиб ўтмоқда. Кинофестивал 11 май куни ўз ишини бошлаган бўлиб, 22 майга қадар давом этади.

Ушбу кинофестивалга дунёнинг турли чеккаларидан энг машҳур юлдузлар ташриф буюриб, ўзларининг либосларини кўз-кўз қилишади.

Ҳиндистонлик машҳур юлдуз, дунё гўзали актриса Айшвария Райни дунёнинг турли чеккаларида яхши танишади. У ҳам бу анъанага риоя қилган ҳолда қизил йўлакда ҳар йили жуда ҳам гўзал ва ҳашамдор либослардаги образларини намоён этади. Унинг Канн кинофестивалидаги чиқишлари доим мухбирлар ва омма эътиборида бўлиб, fashion-тарихга кириши одатий ҳолга айланиб қолган.

Бу йилги дабдабали кино оламидаги тадбирларда Ҳинд актрисаси бир неча ҳил ажойиб ва бетакрор либосларда чиқиш қилишга улгурди. Уларнинг ҳар бирига бир четдан тўхталиб ўтамиз.

«В тихом омуте» фильми премьераси учун 42 ёшли ва ҳали ҳам жозибасини йўқатмаган Айшвария доимгидек ҳашамдорликка урғу бериб, Ali Younes Couture.дан узун тилларанг ва енгил шаффоф ёпинчиқли қимматбаҳо тошлар билан безалган либосда қизил йўлакдан ўтди.

Макияжида ҳам актриса ўз услубига содиқ қолган ҳолда кўзларига қаро сурма ва мовий ранг тенлар орқали урғу берган. Яноқларга ва лабларга бир оз ранг берилган бўлиб, катта жингалаклар актрисанинг буткул образига якун ясаган.

Актриса «Большой и добрый великан» фильми премьераси учун Elie Saab либосида ўз танловини тўхтатган.

Классик голливуд образида, кўзлари қора сурма билан, лаблари эса тўқ қизил рангга бўялган. Сочлари эса гўзал тарзда турмакланган. 

Айшвария Рай «Каменная болезнь» номли фильм премьерасида қизил йўлак бўйлаб Rami Kadi либосини танлаб, яна кўзларига урғу берган ҳолда бу сафар smoky eyes пардоз услубини танлаган. Лабларини эса ёрқин бинафша рангга бўяган.

Қизил йўлакда бундай пардоз билан пайдо бўлган Айшвария Рай яна кўпчиликнинг эътиборини ўзига қарата олди.

Kunutun.uz нинг Telegram’даги расмий каналига обуна бўлиб, янгиликлардан кунутун хабардор бўлинг.