Муниса Ризаева «Янги овозлар»
Муниса Ризаева «Янги овозлар» иштирокчилари билан тайёргарликни бошлади категория янгиликлар 18-30 ёшдаги ҳаваскорлар ва профессионал тайёргарликка эга бўлган иштирокчилар ўртасида ташкил этилган «Янги овозлар» телетанловида 2016 йилнинг ноябрь ойида дастлабки саралаш босқичларида, нуфузли экспертлар гуруҳи ёшларнинг ижодий ишларини кўриб чиқиб, 35 нафар иштирокчига навбатдаги босқичга йўлланма берган эди.
Шунга кўра, жорий йилнинг 20 январь куни хонанда Муниса Ризаева раҳбарлигидаги ижодий гуруҳ аъзоларидан иборат устоз-ҳакамлар «Три медиа» студиясида ўзлари саралаб олган 12 нафар иштирокчи билан «Дуэт босқичи»га тайёргарлик ишларини бошлади.
Тайёргарлик жараёни иштирокчилар билан танишувдан бошланди ва
уларнинг йўналиши бўйича дуэтдошлари аниқлаб олинди. Айни дамда иштирокчилар учун асарлар танланмоқда.
Ҳакам устозлар 27 январь кунига қадар иккитадан иштирокчини тинглаб, улар билан янги қўшиқ устида иш олиб боришади. Шунингдек,
30 январдан умумий машғулотлар тарзида тайёргарликни давом эттириш режелаштирилган.
ИЗОҲЛАР 0