Тошкентда электромобиллар такси хизмати кўрсатади

Пойтахтимизга BAIC маркали 500 дона Хитой электромобиллари олиб келинди. Улар аҳолига такси хизмати кўрсатиши учун йўналтирилиши режалаштирилган.

Мазкур электромобилларнинг икки хил кўриниши илк бор Тошкентга келтирилди. Компания вакилининг сўзларига қараганда ушбу электромобилларнинг қуйидаги афзалликлари мавжуд:

Электромобиллар экологик тоза маҳсулот бўлиб, ҳаракатланиши учун фақат электр қуввати керак бўлади. Атроф-муҳитга зарар етказмайди. Бир марта қувватлантириш шаҳар шароитида 419км масофани босиб ўтишга етади. Катта трассаларда эса электромобиль 540км гача ҳаракатланиши мумкин. Машинанинг тўлиқ қувват олиши учун 19 соат керак бўлади, лекин компания вакиллари тез орада бу вақтни 30 дақиқагача қисқартирадиган электр қувватлантириш станциялари олиб келишни режалаштирганлар. Электромобилларнинг аккумляторларига 8 йил кафолат муддати бўлиб, шу вақт мобайнида ишдан чиқса, компания томонидан бепул алмаштириб берилади.    

Kunutun.uz нинг Telegram’даги расмий каналига обуна бўлиб, янгиликлардан кунутун хабардор бўлинг.