Чемпионатнинг энг гўзал жуфтликлари

Футбол бўйича жаҳон чемпионати ўз ниҳоясига етди. Бугун эътиборингизга фотокамералар нишонига тушган футбол оламининг энг гўзал жуфтликларини намойиш этамиз. 

ДЕЛЕ АЛЛИ ВА РУБИ МЭЙ

Англия терма жамоасининг ярим ҳимоячиси нафақат футбол оламининг ёрқин юлдузларидан, дугонаси Руби Мэй билан мода оламининг ҳам энг гўзал жуфтликларидан бири. Мэй модель бўлиб, яяқинда аdidas билан шартнома тузган.
 

РОНАЛДО ВА ЖОРЖИНА РОДРИГЕС

Бу икки ёш илк бор Dolce&Gabbana либослар намойишида танишган. Жоржина Родригес – испан раққосаси, модель, Криштиану Роналдунинг бўлажак рафиқаси. Бу жуфтлик расмий никоҳдан ўтмаган бўлсада, тўрт нафар фарзанд тарбияламоқда.
 

СЕРХИО РАМОС ВА ПИЛАР РУБИО

Мадриднинг «Реал» ҳимоячиси Серхио Рамос ва унинг рафиқаси Пиларнинг икки нафар ўғли бор. Тўнғичининг исми кичик Серхио Рамос-Рубио, иккинчи ўғилларининг исми эса Марк. Пилар - журналист, модель, реклама ва фильмларда суратга тушади, телевизион шоуларда иштирок этади. Пилар Серхио саккиз ёш катта бўлса ҳам, унинг суратларига қараб бу фарқни сезмайсиз. 

НЕЙМАР ВА БРУНА МАРКЕЗИНИ

Бразилия киносининг олтин қизалоғи ва Бразилия футболининг олтин йигитчаси танишгани вақтда Бруна ҳали 17 ёшга ҳам тўлмаган эди. Бразилия терма жамоасининг сардори Неймар яқинда суюклисига турмуш қуришни таклиф қилган. 

ЛЕО МЕССИ ВА АНТОНЕЛЛА РОКУЦЦО

Лионель ва Антонелланинг муҳаббат тарихи бутун дунёга таниш. Улар болаликдан бирга. Жуфтлик уч нафар фарзанд тарбияламоқда. Лео ва Антонелла узоқ йиллардан бери бирга бўлсада, ўтган йилнинг июлида расмий никоҳдан ўтдилар. Уларнинг тўй маросими 2017 йилнинг энг шов-шувли ҳодисаларидан бири бўлди. 

Kunutun.uz нинг Telegram’даги расмий каналига обуна бўлиб, янгиликлардан кунутун хабардор бўлинг.