Голливудни забт этган Приянка Чопра
1982 йил 18 июлда ҳарбий шифокорлар оиласида туғилган. Бўйи 175 см, оғирлиги 53 кг.
Талабалик даврида Приянка бир неча бор гўзаллик танловларида ғолиб бўлган.
2000 йилда Приянка «Дунё гўзали» унвонини қўлга киритган, лекин бунга ўзи ҳам ишона олмай бир неча кун тожини қучоқлаб ухлаганини айтади.
Дебют ролини 2002 йилда Andaaz (Булутлардаги муҳаббат) фильмида ижро этган. Шу роли билан Filmfare Award тақдимотининг «Энг яхши дебют» номинациясида ғолиб бўлган.
2006 йилда у «Крриш» ва «Дон. Мафия бошлиғи» фильмларида суратга тушади.Мазкур фильмлардан сўнг унинг машҳурлиги янада ортади.
«Буржинг бўйича кимсан?» фильмидан сўнг актриса Гиннес рекордлар китобига киритилади. Мазкур фильмда у 12та образ яратган бўлиб, ҳар бири бошқасидан буткул фарқ қилади.
2015 йилда Приянка Чопра «Куантико» янги американча сериалида суратга тушишни бошлайди.
Унинг сўнгги ишларидан бири «Малибу қутқарувчилари» фильмидаги Виктория Лидс исмли тадбиркор аёл образи.
Приянка ҳеч қачон шахсий ҳаётини ошкор қилмаган. Шу сабабли унинг ёнида кўринган ҳар бир эркак журналистлар томонидан унинг қайлиғи мақомига кўтарилиши одатий ҳолга айланиб қолган.
2016 йилда Приянка Forbes нашри чоп этган энг кўп маош оладиган телеактрисалар рўйхатининг биринчи ўнталигидан жой олган. Унинг йиллик гонорар 11 миллион доллар атрофида.
ИЗОҲЛАР 0