Машҳурларимиз ўтган ҳафтада нималар қилишди

Бугун одатдагидек таниқлиларимизнинг инстагарам саҳифаларига назар ташлаймиз ва уларнинг ўтган ҳафтада нималар билан машғул бўлганликларини билиб оламиз. Демак, қуйида ўтган ҳафтада ким нима билан банд бўлди.

Сердар Ўртач

Сентябрь ойининг 25-26 кунлари Туркиянинг машҳур санъаткорларидан бири, турк эстрадаси қироли Сердар Ўртач Тошкентда ўзбек мухлисларини икки кунлик концерт дастури билан хушнуд  этди. Мазкур концерт дастуридан батафсил репортажни сайтимизда эътиборингизга ҳавола этдик. Шунингдек концертдан кичик видеолавҳани инстаграм саҳифамизга юклаган эдик. Концертдан батафсил видео YouTube каналимизда кўришингиз мумкин. Турк поп қироли мазкур видео билан ўз саҳифасида бўлишган.

Хонанда Манзура

Хушовоз хонанда Манзура ўтган ҳафта бир қатор ҳамкасблари, шу қаторда маданият вазири ўринбосари Озодбек Назарбеков билан Хитой Халқ Республикасида бўлиб қайтишди. Улар Хитойда Ўзбекистон мустақиллигининг 26 йиллигига бағишланган концертда иштирок этишди.

Хонанда Райҳон Ғаниева

Эстрадамизда ўз овози ва йўналишига эга бўлган хонанда Райҳон 19-23 февраль кунлари бўлиб ўтадиган яккахон концерт дастурига тайёргарликни бошлаб юборган. У ўзининг инстаграмдаги шахсий саҳифасида турмуш ўртоғи Фарҳод Алимов ва фитнес мураббийи билан машғулот вақтида тушган суратини жойлаган.

Хонанда Лола

Бетакрор овоз соҳибаси Лола гастроль сафарларига оталанаётганини маълум қилди. У ўзининг шахсий саҳифасида Тожикистон бўйлаб бўлиб ўтадиган концерт дастурларининг жадвалини жойлаштирди. Унинг Тожикистондаги гастроли 5 октябрь куни бошланади.

Хонанда Жаҳонгир Позилжонов

Хонанда «Анжир» деб номланган таронасига видеоклип суратга олдирди. Шўх таронага видео кетма-кетлик трек йўналишида суратга олинган бўлиб, тез кунда мухлислар ҳукмига ҳавола этилади.

 

Публикация от @jahongirpoziljonov Окт 1 2017 в 10:51 PDT

Шоумен, бошловчи Даврон Кабулов

Ўтган ҳафтада бошловчи ва шоумен Даврон Кабулов ҳаётининг энг бахтли онларидан бирини яшагани, оталик бахтига мушарраф бўлгани ҳақида хабар берган эдик. Қизалоққа яхши ниятлар билан ЛУТФИЯ деб исм қўйдилар.

Актёр, хонанда ва сўз устаси Самандар Ҳамроқулов

Самандар ўтган ҳафта ҳамкасби Шаҳзода Муҳаммедова билан биргаликда Қўқон шаҳрида хизматда бўлган. Ҳар икки санъаткор бу ҳақда ўзларининг инстаграмдаги шахсий саҳифаларида ёзиб қолдирганлар.

Хонанда Севара Назархон

Хушофоз хонанда Севара Назархон энг кўп гастроль сафарларида юрадиган санъаткорлардан бири десак муболаға бўлмайди. Хонанданинг иш жадвали жуда тиғиз. Ўтган ҳафтада Севара Назархон гоҳ Москвада, гоҳ Қозоғистонда, яна бир қарасангиз Лондонда тушган фотосуратларини ижтимоий тармоқларга жойлади.

Хонанда Улуғбек Раҳматуллаев

Улуғбек Раҳматуллаев ўтган ҳафтада Самарқанд шаҳрида хизмат сафарида бўлиб қайтди. Бу ҳақда хонанда ўзининг ижтимоий тармоқдаги шаҳсий саҳифасида билдирган.

Хонанда Нилуфар Усмонова

Нилуфар Усмонова ўтган ҳафтада тўнғич ўғли Саидаъзамхоннинг таваллуд айёмини нишонлади. Ўғлини Лондонга таҳсил олиш учун жўнатган хонанда инстаграм саҳифаси орқали унга табрик сўзларини йўллаган.

Kunutun.uz нинг Telegram’даги расмий каналига обуна бўлиб, янгиликлардан кунутун хабардор бўлинг.