Қисқа фурсатда машҳурликка эришган актёр

Муҳташам юз йил: Кўсем Султон сериалидаги бош роли билан миллионлаб мухлислар қалбидан жой олган актёр Экин Кўч ким?

Тўлиқ исми Исмет Экин Кўч бўлган актёр 1992 йилнинг 21 июнида Туркиянинг анталия шаҳрида дунёга келган. Отасининг хизмат сафарлари туфайли тез-тез мактаб алмаштирган Экин олий таълимни Истанбул Билги Университетида олган. Отаси туризм соҳасида, онаси эса банк соҳасида фаолият олиб борган актёрнинг ўзидан беш ёш кичик бир укаси бор. Актёрлик соҳасига кириб келганга эндигина тўрт йил бўлган Экин қисқа фурсатда машҳурликка эришди.

У илк марта 2013 йилда экран юзини кўрган Sana Bir Sır Vereceğim (Сенга бир сирни айтаман) сериалида роль ижро этган. Лекин сериал паст рейтинг сабабли тугатилди. Унинг иккинчи иши Benim Adım Gültepe (Менинг исмим Гултепе) сериалидаги роли бўлиб, бу сериал ҳам унга омад келтирмади. Актёр 2015 йилда машҳур актриса Неслихан Атагул билан бирга Senden Bana Kalan (Сендан менга қолган) фильмида суратга тушади.

Бу фильмдан сўнг у танила бошлайди, лекин унга катта омад келтирган иши, бу Муҳташам юз йил сериалининг давоми Кўсем Султон бўлиб, бу сериалдаги бош роль учун у ҳамма сингари кастинг орқали танлаб олинган.

Актёр шахсий ҳаётини ошкор қилмайди. Ҳозирда унинг ҳаётида кимдир борми, йўқми номаълум. У айни дамда Hayat Sırları (Ҳаёт сирлари) номли сериалда бош ролни ижро этмоқда.

Kunutun.uz нинг Telegram’даги расмий каналига обуна бўлиб, янгиликлардан кунутун хабардор бўлинг.