Қўшалоқ бахтга эга таниқлилар

Фарзанд дунёга келиши ҳар бир оила учун катта бахт! Шундай оилалар борки, улар бирваракайига қўшалоқ бахтга сазовор бўладилар. Бугунги шарҳимизда эгизак фарзандлар тарбиялаётган, қўшалоқ бахт эгаларига бағишланади. 

Анжелина Жоли ва Бред Питт

Дунёга машҳур жуфтликлардан ҳисобланган Жоли ва Питт оиласида 2008 йилнинг 12 июлида эгизак фарзандлар дунёга келган. Бир дақиқа фарқ билан туғилган чақалоқларнинг каттаси ўғил бўлиб, унга Нокс Леон исми берилган, унинг ўзидан бир дақиқага кичик синглисига эса Вивьен Маршелин деб исм қўйганлар. Бу эгизаклардан ташқари Жоли ва Питтнинг яна тўрт нафар фарзанди бўлиб, улардан уч нафарини машҳур актёр ва актриса фарзандликка олган.

Женифер Лопез ва Марк Энтони

Мазкур юлдузли оилада ҳам айнан 2008 йилда эгизак фарзандлар туғилган. Эгизакларнинг каттаси қизалоқ бўлиб, унга Эмма деб исм қўйганлар, эгизаклардан кичиги ўғил бола бўлиб, унинг исми Максимилиан. Февраль ойида эгизаклар ўн ёшга тўладилар. 

Жулия Робертс ва Дэнни Модер

2004 йилнинг 28 ноябрида таниқли актриса муддатидан аввал эгизак фарзандларни дунёга келтирган. Маълумотларга қарганда чақалоқлар январь ойининг бошларида туғилиши керак бўлган. Эгизакларга Хэйзел Патрисия ва Финнус Уолтер исмлари берилган. Эгизакларнинг отаси таниқли оператор Дэнни Модер бўлиб, улар 2002 йилда турмуш қурганлар. 

Мэрайя Кери ва Ник Кэннон

Таниқли хонанда 2008 йилда мусиқачи Ник Кэннон билан турмуш қурган. Уларнинг оилавий ҳаёти саккиз йил давом этган бўлиб, 2011 йилда юлдузли оилада эгизак фарзандлар дунёга келган. Монро Кэннон исмли қизалоқ ҳамда Мороккан Скотт Кэннон исмли ўғил фарзандларнинг ота-онаси 2016 йилда расман ажрашган.

Алла Пугачёва ва Максим Галкин

Ушбу таниқли жуфтликнинг эгизак фарзандлари суррогат она ёрдамида дунёга келишган бўлсада, Алла ва Максим уларнинг биологик ота-онаси ҳисобланади. Гарри ва Елизавета 2013 йилнинг сентябрь ойида туғилганлар.

Райҳон Ғаниева

Бизнинг эстрадамизда ҳам эгизак фарзанд кўриш бахтига муяссар бўлган хонанда бор. Райҳон Ғаниева 2014 йилнинг 1 май санасида икки нафар ўғил фарзандни дунёга келтирган. Уларга Имрон ва Ислом деб исм берганлар. 

Kunutun.uz нинг Telegram’даги расмий каналига обуна бўлиб, янгиликлардан кунутун хабардор бўлинг.