Шахзода Матчонова турмушга чиқмоқда

Ўзбек киносининг истеъдодли актрисаси Шахзода Матчонова 16 ноябрь куни ижтимоий тармоқларидаги саҳифасида бармоғига тақилган никоҳ узуги акс этган суратни ҳеч бир изоҳсиз жойлагандан сўнг, кўпчилик актриса турмушга чиқаётганлигини тахмин қилишди ва уни минглаб мухлислари табриклашни бошлади.

Биз, актрисани мазкур ҳушхабар билан қутлаш ва ҳақиқатда ҳам унинг турмушга чиқаётганлиги ҳақидаги тахминлар ва хабарлар қанчалик тўғри эканлигини билиш мақсадида Шахзода Матчонова билан боғландик. 

Шахзода Матчонова бизга ҳақиқатда ҳам турмушга чиқаётганлиги ва тўй тантанаси 25 ноябрда Тошкентда, Яккасарой тўйхонасида бўлиб ўтишини маълум қилди.

Актриса, турмуш ўртоғингиз ким ва нима билан шуғулланади деган саволимизга қуйидагича:

«Бўлажак турмуш ўртоғим билан анчадан буён танишмиз ва у шоу-бизнесга ҳеч қандай алоқаси йўқ инсон. Улар ким ва исмларини ҳозирча сизларга айтмайман (кулади). Ўзингиз вақти келганда кўриб, билиб оласизлар», - дея жавоб берди.

Фурсатдан фойдаланиб, ўзбек киносининг лобар актрисаси Шахзода Матчоновани чин қалбимиздан табриклаймиз. Унга аёллик ва оилавий бахтни тилаб қоламиз. 

Маълумот ўрнида айтиб ўтиш жоизки, Шахзода Матчонова 1987 йилнинг 8 августида Нукус шаҳрида туғилган. У «Қалбим ўғриси», «Сўнгги лаҳза», «Ўзимдан ўзимгача» ва бошқа кўпгина фильмлардаги роллари орқали мухлислар қалбидан жой олган.

Kunutun.uz нинг Telegram’даги расмий каналига обуна бўлиб, янгиликлардан кунутун хабардор бўлинг.