Таниқлиларимиз ўтган ҳафтада нима билан банд эдилар

Бугун одатдагидек таниқлиларимизнинг инстагарам саҳифаларига назар ташлаймиз ва уларнинг ўтган ҳафтада нималар билан машғул бўлганликларини билиб оламиз. Демак, қуйида ўтган ҳафтада ким нима билан банд бўлди.

Манзура Йўлдошева

Хонанда Манзура ўтган ҳафтадан янги видеоклип суратга олиш ишлари билан банд бўлди. «ОНА» деб номланган таронага тасвирга олинаётган видео кетма-кетликка Дилмурод Агзамов режиссёрлик қилаётган бўлса, операторлик вазифаси хонанданинг ишонган оператори Рустам Муродовга ишониб топширилган.

Улуғбек Раҳматуллаев

Ўзбекистонда хизмат кўрсатган артист Улуғбек Раҳматуллаев 6 кунлик концерт дастури ниҳоясига етгач, Европа бўйлаб саёҳатга чиқди. Париж, Амстердам, Барселона каби жаҳонга машҳур шаҳарларда тушган суратларини инстаграмдаги шахсий саҳифасига жойлаган хонанда, уч кун аввал она юртимизга қайтиб келди.

Шаҳзода

Хонанда Шаҳзода яна янги тароналар устида иш бошлаган. У доимий ҳамкорлик қиладиган муаллифлари Беном гуруҳи вакиллари билан янги қўшиқ ёзмоқда. 

Умидахон 

Хонанда Умидахон Хожиева «Ана энди» деб номланган сокин таронасига клип суратга олдирди. Мазкур тарона Уммон гуруҳи вакили Зоҳид томонидан ёзилган бўлиб, клипда ҳам унинг ўзи суратга тушди.

Сардор Раҳимхон

Ўзбекистонда хизмат кўрсатган артист Сардор Раҳимхон 26 ноябрь куни Санкт-Петербургда концерт дастурини тақдим этди. Концерт дастурида сўз устаси ва актриса Халимахоним махсус меҳмон сифатида қатнашди.

Сарвар Акбаров

Шарқ гуруҳи солисти Сарвар Акбаров уни кеча фарзанди Алихоннинг биринчи туғилган кунини нишонлади. Катта байрам тадбирида эстраданинг кўплаб таниқли вакиллари меҳмон бўлдилар. 

Ойхон Ифорзода

Бошловчи ва хонанда Ойхон Ифорзода ҳам ҳамкасблари қаторида Шарқ гуруҳи вакиллари Сарвар ва Татьянанинг фарзандлари Алихонни бир ёши билан қутлаш учун ташриф буюрди.

Дилсўз

Дилсўз тахаллуси билан машҳур хонанда Гўзал Жуманиёзова ўтган ҳафта ҳамкасби Муниса Ризаеванинг концерт дастурида меҳмон бўлди. 

Шунингдек, хонанда телебошловчи Парвиз Фаттоевнинг никоҳ оқшомида бўлиб, икки ёшни табриклади.

Муниса Ризаева

Хонанда Муниса Ризаева «Истиқлол» санъат саройида узоқ кутилган концерт дастурини тақдим этди.  

Kunutun.uz нинг Telegram’даги расмий каналига обуна бўлиб, янгиликлардан кунутун хабардор бўлинг.