Юлдузли оила: Маъмур Султонов ва Севара Солиева

Икки ёш, истеъдодли, таниқли санъат вакиллари Маъмур Султонов ва Севара Солиеваларга бир хил саволлар билан мурожаат қилдик. Бу жуфтликнинг жавоблари қанчалик бирбирига ўхшашлигини қуйида ўқиб, билиб олишингиз мумкин.
 

Сиз яхши онамисиз ёки яхши рафиқа?
Севара: Яхши она.

Сиз яхши отамисиз ёки яхши фарзанд?
Маъмур: Яхши фарзанд.

Сиз яхши актрисамисиз ёки яхши уй бекаси?
Севара: Иккаласида ҳам ёмон эмасман. 

Сиз яхши актёрмисиз ёки яхши оила бошлиғи?
Маъмур: Яхши оила бошлиғи.

Икки санъаткор бир оилада кўплик қилмайдими?
Севара: Агар бир-бирини тушунса кўплик қилмайди.
Маъмур: Баъзида ҳалақит қилса, баъзан ютуғимиз шунда бўлади.

Нима учун санъатдан воз кеча оласиз?
Севара: Агар турмуш ўртоғим санъатимга қаршилик қилсалар воз кечишим мумкин.
Маъмур: Юртимиз тинч бўлса, санъатдан ҳеч қачон воз кечмасам керак.
 

Санъатни танлаганингиздан пушаймон бўлган вақтингиз бўлганми?
Севара: Илк санъатга қадам қўйган вақтларимда пушаймон бўлган эдим.
Маъмур: Йўқ.

Илк гонорарингизни нимага сарфлагансиз?
Севара: Ота-онамга берганман.
Маъмур: Дўстларим билан чойхонага борганмиз.
 

Турмуш ўртоғингизни рашк қиласизми?
Севара: Албатта рашк қиламан.
Маъмур: Рашк эркакларга хос хусусият.

Бир-бирингизни телефонингизни текшириб турасизларми?
Севара: Албатта.
Маъмур: Албатта, бунга алоҳида вақт ажратаман (кулади), лекин рафиқамга ишонаман.

Энг кўп баҳслашадиган (келиша олмайдиган) мавзуингиз?
Севара: Ҳар хил мавзу бўлиши мумкин.
Маъмур: Фарзанд тарбияси борасида кўп баҳслашамиз.

Энг катта орзуингиз?
Севара: Бу сир бўлиб қола қолсин. Чунки амалга ошмаган орзуларимни ҳеч кимга айта олмайман.
Маъмур: Санъатда ўз ўрнимни топиш ва юқори чўққиларни забт этиш.

Ёлғонга муносабатингиз?
Севара: Ёлғон гапириш албатта яхши эмас, агар бирор бир оилавий ёки дўстона муносабатларга дарз кетмаслиги учун бўлмаса. Лекин алдаш тарафдори эмасман.
Маъмур: Ёлғон гапиришса Худога солиб, индамай кетаман.

Бахт формуласи...
Севара: Сабр-тоқат.
Маъмур: Ишонч, ҳурмат ва эътибор. 

Kunutun.uz нинг Telegram’даги расмий каналига обуна бўлиб, янгиликлардан кунутун хабардор бўлинг.