Дилдора Қосимовадан янги баҳорий тўплам
Тақдимотда дизайнер 10та бош оёқ, яъни пистонли коктейль кўйлаклари, дала гуллари ва экзотик қушлар принти тушурилган оқшом либослари, кашта тикилган футболкалар, нақшли юбка ва блузкалардан иборат лукларни намойиш этди.
Тақдимот ноодатий форматда бўлиб ўтди. Моделлар одатга кўра дефиле кўрсатишмади, аксинча бирваракайига чиқиб, айлана бўйлаб ҳаракатланаётган подиумга чиқдилар. Органзадан тикилган палантинлар ташланган моделлар жаҳон подиумларидаги келинларни эслатдилар.
Дизайнер Дилдора Қосимова:
«Коллекция 20та бош оёқ луклардан иборат, лекин бугун бу Garderobe корнери учун махсус тақдимот бўлгани учун барча сирларни фош қилмасликка қарор қилдик».
LikeKasimova баҳор коллекцияси пастель тонларида яратилган бўлиб, ипак, духоба, адрас, шифон, пистонли матолар уйғунлаштирилган, бутун коллекцияни эса сўзана каштаси бирлаштирган.
Ўзбекистон халқ артисти Гулсанам Мамазоитова:
«Дилдора билан мана 5 йилдирки ҳамокрликда иш олиб борамиз. Қаерда бўлмасин у тиккан либосда пайдо бўлсам, менга қаратилган завқли нигоҳларни сезаман. Бугун ҳам эгнимда Дилдора яратган менинг севимли костюмим».
Ўзбекистон халқ артисти Зулайхо Бойхонова:
«Менга Дилдоранинг ўз ишига бўлган ёндашуви жуда ёқади: унда шаблон ишлар йўқ, ҳар бир элемент – бетакрор, мижозларга бўлган ёндашув ҳам индивидуал. У ўз ишининг моҳир устаси сифатида либослари билан мижозларининг камчиликларини бекитиб, яхши томонларини очиб бера олади».
Зарина Низомиддинова, актриса:
«Мен Дилдоранинг тақдимотида илк бор қатнашяпман, лекин унинг либосларига анчадан бери назар ташлаб келаман. Дилдоранинг бетакрор услуби бор, бошқаларникига ўхшамайди».
Оқшом Kyamran Silence томонидан жўрлик этилган француз классикаси мусиқаси жаранги остида ўтди.
Коллекция ready to wear версиясидаги образлар хилма-хиллигини ўзида акс эттирган ва кундузги, ҳамда оқшом либосларини ўз ичига олган. LikeKasimova линияси махсус Garderobe учун S, M, L ўлчамларда яратилган.
Либослар намойишининг юлдузли меҳмонлари:
ИЗОҲЛАР 0