“Ажал жодуси” бадиий фильми премьерасидан

Алишер Навоий номли кино саройда янги “Ажал жодуси” бадиий фильми премьераси бўлиб ўтди. Унда эл севган актёр ва актрисалар иштирок этишди. Премьерани Лола Элтоева ва Акмал Мирзо олиб боришди. 



Юқоридагилардан фарқли ўлароқ, “Ажал жодуси” фильми бутун дунёда жиддий муаммога айланган ноқонуний миграция ва унинг оқибатида юзага келувчи муаммолар, ноқонуний йўллар билан чет давлатларга ишлашга кетаётганлар ва баъзан аянчли тугаётган қисматлар ҳақида ҳикоя қилади.

Бутун қишлоққа донғи кетган, маҳаллада дув-дув гап бўлган дабдабали тўй қилиб, бўйнигача қарзга ботган оила аъзолари бошига катта ташвиш тушади. Онанинг қистови билан ота ўғилларини олиб ноқонуний тарзда чет элга йўл олади. Лекин улар у ерда ҳуқуқсизликда яшаб, аянчли воқеаларни бошидан кечиришга мажбур бўлади. Нафс ортида қилинган баъзи ишлар оқибатида отанинг умри хазон бўлади. Энди ўғилларнинг олдидаги бир муаммо, ота жасадини она юртига қандай қилиб олиб кетиш мумкин?
Бош ролларда томошабинлар Баҳодир Муродов, Муяссар Бердиқулова, Шоҳруҳ Насимов, Фотиҳ Насимов, Ширин Исмоилова ва бошқаларни кўришлари мумкин бўлади. 

Биз “Ажал жодуси” фильмида бош роллардан бирини ижро этган актёр Шоҳрух Насимовни сўзга тутдик:

“2014 йилнинг декабр ойида ишлаб чиқаришга туширилган мазкур фильмни суратга олиш ишлари Тошкент вилоятининг Чорвоқ ва Сўқоқ ҳудудларида, шунингдек, Россия Федерацияси таркибидаги Бошқирдистон Республикасида амалга оширилди. Биласизми, мени кинони суратга олиш жараёнида  ҳайратга солган нарса жамоанинг аҳиллиги, бир-бирини қуллаб-қувватлаши бўлди. Бундай жамоа билан ишлаганимдан хурсандман. Кинога қайтадиган бўлсак, унинг асосий ғояси - нафс яъни боридан қониқмаслик, ёхуд ҳар ким кўрпасига қараб оёқ узатиши кераклигини, бундай вазиятларнинг оқибатлари нималарга олиб келишини оммага кўрсатиб беришдан иборат эди ва биз бу ғояни иложи борича ишонарли қилиб очиб беришга ҳаракат қилдик. Ролларимизни қай даражада етказиб бера олганимизни эса ҳолис томошабиннинг ўзи баҳо беради, биз улардан фикр-мулоҳазаларини кутиб қоламиз,  - дейди актёр Шоҳруҳ Насимов”.