Европа кино фестивали

22-31 май кунлари «Ўзбеккино» миллий агентлиги, Европа Иттифоқининг Ўзбекистондаги делегацияси билан ҳамкорликда Европа киноси фестивалини ўтказади. 

Алишер Навоий номидаги киносаройда мазкур фестивал доирасида  Европанинг 15 мамлакати томонидан тақдим этилган 18 та фильм Тошкент шаҳри аҳолиси ва меҳмонлари эътиборига ҳавола этилади. Томошабинлар 10 кун давомида комедия, трагикомедия, биография-фильм, жангари комедия, ҳужжатли фильмлар каби ижод намуналари билан танишишлари мумкин бўлади.

Фестиваль учун олиб келинаётган фильмлар сифати ва мазмун даражаси юқори бўлиб, жорий йилдаги фильмларнинг аксарияти халқаро кинотанловларда иштирок этиб, совриндор бўлган.
Европа киноси фестивали жорий йилнинг 22 май куни Алишер Навоий номидаги киносаройда очилади ва 31 майга қадар давом этади. Фильмларнинг аксарияти рус тилидаги субтитрлар билан, баъзи фильмлар рус тилига дубляж қилинган ҳолда бепул намойиш этилади.

 

 
Фестивал дастури:

22 май, 19:00 - «Ойижон, мен сизни севаман!» («Mammu, es tevi milu», Латвия);
23 май, 17:00 - «Ники оиласи» («Nickyho rodina», Словакия);
23 май, 19:00 - «Инсон қиймати» («Il capitale umano», Италия);
24 май, 15:00 - «Рассомнинг хотини» («Marie Kroyer», Дания);
24 май, 17:00 - «Кун адоғида» («Am Ende Des Tages», Австрия);
24 май, 19:00 - «Жапплу» («Jappeloup», Франция);
25 май, 19:00 - «Кедалар» («Кецове», Болгария) — 18+;
26 май, 19:00 - «Стокгольм ҳикоялари» («Gondolen», Швеция) — 18+;
27 май, 19:00 - «Ваҳима» («Panika», Словения) — 16+;
28 май, 19:00 - «Денгизга борамиз» («Pojedeme k mori», Чехия);
29 май, 17:00 - «Бир чимдим Қалампир» («Politiki kouzina», Греция);
29 май, 19:00 - «Қасос» («Haevnen», Дания) — 16+;
30 май, 15:00 - «Ғаройиб ўрмон» («Metsan tarina», Финландия);
30 май, 17:00 -  «Бу сен ўйлаган нарса эмас, азизам» («To nie tak jak myslisz, kotku», Польша);
30 май, 19:00 - «Оралиқ бекат» («Halt auf freier Strecke», Германия) — 16+;
31 май, 15:00 - «Сақоқуш» («Nicostratos the Pelican», Греция);
31 май, 17:00 - «Касабланка операцияси» («Operation «Casablanca», Швейцария);
31 май, 19:00 - «Сев ва рақсга туш» («Kochaj i tancz», Польша).