«Қотиллар ўйини» фильми
Ўзбек кино оламида «Синий кит» ўйинига бағишланган фильм суратга олинди. Ички ишлар вазирлиги билан ҳамкорликда ишланаётган фильм жангари, мистика ҳамда триллер жанрларида суратга олинган.
«Қотиллар ўйини» деб номланган мазкур фильм тугун ва жумбоқлар асосига қурилган бўлиб, «синий кит» ўйини, унинг аянчли оқибатлари ва ечими ҳақида кино олами вакиллари томонидан дастлабки жавобдир.
Фильмнинг жанг лавҳалари учун икки ойдан зиёд тайёргарлик кўрилган ва барча саҳналар табиий суратга олинган. Жанг саҳналарини қўл жангги бўйча мураббий Сарвар Сиддиқов саҳналаштирган.
Фильмда бош ролларни Шавкат Комилов, Жамила Ғофурова, Алихан, Бегзод Тожиев, Севара Солиева, Муҳаммад Али Искандаров, Феруза Собитовалар гавдалантирган.
Режиссёр Лазиз Ашуралиев, оператор Рустам Йўлдошев, ғоя муаллифи Шавкат Комилов. Тасвирга олиш ишларининг ўзига икки ойдан ортиқ вақт сарфланган.
Айни вақтлада фильмнинг суратга олиш ишлари якунланган бўлиб, премьера куз фаслида бўлиб ўтиши режалаштирилмоқда.
ИЗОҲЛАР 0