alt alt    alt

 
КИРИШ/РЎЙХАТДАН ЎТИШ
00:00
Now playing
Выберите радиостанцию
Кино

Тошкентда Хитой киноси кунлари бўлиб ўтади

7-10 сентябр кунлари Ўзбекистон ва Хитой ўртасидаги маданий алоқаларни ривожлантириш, шунингдек, ҳамкорлик бўйича Ўзбекистон-Хитой ҳукуматлараро комиссиясининг маданий-гуманитар масалалар бўйича кичик қўмитаси баёни ижросини таъминлаш мақсадида, «Ўзбеккино» Миллий агентлиги ташаббуси билан Ўзбекистонда Хитой киноси кунлари бўлиб ўтади. 
Кино кунлари давомида Хитой Давлат матбуот, ноширлик, радиоэшиттиришлар, телевидение ва кинематография бош бошқармаси вакиллари Луань Чжиго, Лу Сюминь, Янь Пэн, Чжан Юесяо, шунингдек, кино кунларини очиб берувчи фильм — «Тянь-шань» кинофабрикаси томонидан суратга олинган «Самимий севги» (Genuine Love) картинаси режиссёри Шерзод Ёқуб ҳамда фильмда бош роллардан бирини ижро этган актриса Қундуз Зайтаянинг Ўзбекистонда бўлиши кутилмоқда.
Бундан ташқари, маданий тадбир доирасида Чеанг Поу-Сойнинг «Маймунлар қироли» (The Monkey King), Чэн Ганнинг «Чет эллик энага» (When Peking Family Meets a foreign Aupair), Вонг Кар-Вайнинг «Буюк уста» (The Grandmaster), Ван Жингуаннинг «Или дарёси» (Never Look Back), Вэй Шининг «Паром» (The Ferry) фильмлари- жами олти картина ўзбекистонлик томошабинлар эътиборига ҳавола этилади.
 
alt
 
Кино кунларини очиб берувчи фильм ўзбек тилидаги субтитрлар билан, қолган барча фильмлар рус тилидаги субтитрларда намойиш этилади. Хитой киноси кунлари доирасидаги барча намойишлар Тошкент шаҳридаги Алишер Навоий номли киносаройда бўлиб ўтиши режалаштирилган.

Фильмлар намойиши жадвали:
7 сентябр, душанба
19:00. «Самимий севги» (Genuine Love)
8 сентябр, сешанба
17:00. «Или дарёси» (Never Look Back)
19:00. «Маймунлар қироли» (The Monkey King)
9 сентябр, чоршанба
17:00. «Паром» (The Ferry)
19:00. «Чет эллик энага» (When Peking Family Meets a foreign Aupair)
10 сентябр, пайшанба
19:00. «Буюк уста» (The Grandmaster)


Kunutun.uz нинг Telegram’даги расмий каналига обуна бўлиб, янгиликлардан кунутун хабардор бўлинг.
Нашр санаси: 02-09-2015

ИЗОҲЛАР 0

Авторизация Изоҳ қўшиш учун авторизация қилинг