Кино
"Ayol qismati" ko'plab e'tiroflarga sazovor bo'lgan film
00:00
Now playing
Выберите радиостанцию
Кино
Умидахон:Сўнгги нафасимгача фильм премьерасидан
25 июль куни пойтахтимизнинг “Алишер Навоий” киносаройида режиссер Соҳиб Аббосхоннинг “Сўнгги нафасимгача” фильмининг премьераси бўлиб ўтди.
.jpg)
Шу куни зал турли ёшдаги томошабинлар билан гавжумлигига гувоҳ бўлишингиз мумкин эди.
.jpg)
Премьерани таниқли актёр Учқун Тиллаев олиб бордилар. Даставвал саҳнага фильм режиссёри Соҳиб Аббосхон таклиф этилди. Сўзга чиққан режиссёр томошабинларга аввалига фильмга ишланган саундтрекни томоша қилишни таклиф этдилар.
Мазкур фильмга хонандалар Отабек Муҳаммадзоҳид ва Гуласал Абдуллаевалар томонидан қўшиқ куйланган бўлиб, ушбу тарона сўзсиз мухлислар қалбидан жой топа олди.
Сўнг саҳнага фильм ижодкорлари таклиф қилинди. Биринчи бўлиб сўзга чиққан режиссёр Соҳиб Аббосхон мазкур фильмини ўз отасига ва шу қаторда барча оталарга бағишлаганини таъкидлаб ўтдилар. Соҳиб Аббосхон бирин кетин фильмда қатнашган актёрлар ва ижодкорларни таништирдилар. “Сўнгги нафасимгача” фильмида бош ролларни Беҳзод Муҳаммадкаримов, Асал Шодиева, Дилниёз Гаффаровлар ижро этишган. Шунингдек мазкур кинокартинада Хошим Арслонов, Абдураим Абдувахобов, Зухра Солиева, Фатхулла Маъсудов ва Юлдуз Хамидова каби истеъдодли, эл ардоғидаги санъаткорларни кўришимиз мумкин.
.jpg)
Фильмда бошқа кинокартиналардан фарқли ўлароқ асосий урғу йигит ва қиз ўртасидаги севги-муҳаббат туйғуларига берилмаган. Фильмда урғу берилган нарса отанинг фарзандига бўлган меҳри, керак бўлса жонини ҳам фидо қилишга тайёр ота қиссаси намойиш этилган. Бундан ташқари албатта фильмда йигит ва қизнинг ўзбекона беғубор муҳаббатига ва дўстининг қийин кунидан ҳам ўз манфаатида фойдаланган “сохта дўстлик” мавзулари ёритилган. Фильмни кўз ёшларисиз томоша қилиш қийин, фильмни томоша қилиш пайтида сиз ўзингиз сезмаган ҳолда қаҳрамонлар кечинмалари ва дардларига шерик бўласиз, қизидан жудо бўлаётган ота изтироби, фарзанди учун жонини ҳам фидо қилиши ҳар бир инсоннинг қалбини ларзага солса ажаб эмас.
.jpg)
Лекин ҳар бир ишда бўлгани каби бу фильмда ҳам бир озгина камчиликларни кўришга муваффақ бўлдик. Шу камчиликлардан бири бош қаҳрамон Азиза (Асал Шодиева)нинг жарроҳлик амалиётини бошидан кечираётган саҳнаси. Операция бошидан охирига қадар бир томчи қон йўқ. Шунингдек, Беҳзод Муҳаммадкаримов ижро этган қаҳрамон фильм охирида ўзини машиналар остига ташлайди. Одатда ЙТҲдан шкастланган беморлар Шошилинч тиббий ёрдам кўрсатиш марказига олиб кетилади, фильмда эса йўл транспорт ҳодисаси натижасида жароҳат олган бемор, Азизанинг отаси юрак жарроҳлиги марказига қабул қииниши сал ғайриоддий ҳолат эмасми?! Мени ўйлантириб қўйган яна бир ҳолат, қизнинг отаси жарроҳлик учун уйини сотишга мажбур бўлади, ўзини жонини фидо қилаётган ота қизи тирик қолган тақдирда қаерга бориши ҳақида қайғурмагани. Балки уйини сотиб, ўзига кичикроқ уй харид қилгандир ҳам, аммо фильмда бу кўрсатилмаган.
Умумий қилиб айтганда эса фильм ўз ютуқларига эга, масалан актёрлар жуда мос танланган, ва уларнинг аксарияти ўз ролини қойилмақом қилиб ижро этишган. Унда йигит ва қиз ўртасидаги муҳаббат айнан ўзбекона беғубор қилиб кўрсатилган. Фильм бачканаликдан ҳоли.
“Сўнгги нафасимгача” фильми 26 июлдан кинотеатрларда намойиш қилинмоқда!
Kunutun.uz нинг Telegram’даги расмий
каналига обуна бўлиб, янгиликлардан кунутун хабардор бўлинг.
Нашр санаси:
29-07-2014
Шошилманг
Оммавий ахборот воситаси давлат рўйхатидан ўтганлиги ҳақидаги гувоҳнома № 0942 ЎзМАА томонидан 09.01.2013да берилган
© 2013-2020 Барча ҳуқуқлар ҳимоя қилинган. Фотосуратлар, сайт дизайни (ташқи безаги),
муаллифлик материаллари, ёки сайтда жойлаштирилган бошқа ҳар қандай материаллардан
фойдаланиш фақат сайт маъмурияти рухсати билан амалга оширилади. Сайтдан маълумот руҳидаги
ҳар қандай материални олиб бошқа сайтда жойлаштирилганда манбага фаол ҳавола кўрсатилиши шарт.
ИЗОҲЛАР 0