Мода тарихчиси Александр Васильев Тошкентда
Пойтахт бўйлаб саёҳат Ўзбекистон Давлат санъат музейидан бошланди.
Музей директори Васила Файзиева меҳмонга «Ўзбекистон Давлат санъат музейи» китобини тақдим этди, Александр эса ўз навбатида уч ўзбек тасвирланган 18 аср француз гравюрасини музейга тақдим қилди.
Тарих дарслари санъатшунос Гаянэ Умерова ҳамроҳлигида ўтказилди.
Музейнинг европа қисми тарихини маэстронинг ўзи сўзлаб борди.
«Сопол буюмлар, сўзана, гиламлар ва чопонлар – буларнинг бари сўзсиз муҳташам, лекин мени лол қолдирган нарса музейнинг картиналар коллекцияси. Намойиш этилганлар балки энг муҳим картиналар эмасдир, лекин энг муҳим рассомларнинг асарлари».
Сўнгра мактаб миллий бозоримиз Чорсуни зиёрат қилди. У ерда мода танқидчиси ўзига марғилон чопони, миллий матоларимиздан адрас ва беқасам харид қилди.
«Ҳар қандай мамлакатга саёҳат қилганда миллий бозорни зиёрат қилиш жуда муҳим. У орқали мамлакатнинг ҳақиқий жозибаси ва руҳини ҳис этиш мумкин».
Сайёр мактаб шу билан бирга Ҳазрати Имом мажмуасига ҳам кириб ўтди.
Сўнгра ижодий гуруҳ тан олинган каштачилик устаси, дизайнер Мадина Қосимбоева шоурумига ташриф буюрди.
Александр Васильевнинг сайёр мода мактаби 2005 йилдан буён фаолият олиб боради. Йилига бир неча бор гуруҳ ташкил қилиниб моданинг тарихий бошланғичларини ўрганиш учун дунё бўйлаб саёҳатга чиқади. Шу кунга қадар мазкур мактаб Эстония, Туркия, Марокаш, Испания, Бельгия, Озарбайжон, Италия ва албатта Францияда бўлиб қайтган.
Miramax турагентлиги томонидан ташкиллаштирилган «Ипак йўли шаҳарлари бўйлаб» датсури доирасида Васильев жамоаси Ҳивадаги Ичан Қалъа ва Муҳаммад Раҳимхон мадрасасида бўлиб улгурди. Тошкентдан сўнг саёҳат Самарқанд бўйлаб давом этади. У ерда меҳмонлар Сиёб шарқ бозорини зиёрат қилиб, саёҳат Бухорода ўз якунига етади.
Маэстро билан эксклюзив интервью ва видео тез кунда MYDAY Special журнали саҳифаларида ва myday.uz сайтида
ИЗОҲЛАР 0