Бруно Каталанонинг "арвоҳ" скульптуралари

 

Бруно Каталано бронзадан бир қарашда бор, лекин қайсидир маънода йўқ бўлган скульптуралар яратади.

Франциянинг Марсель шаҳри кўчаларида “арвоҳ” скульптураларни учратиш мумкин. Ёки бўлмаса кўрмасдан ўтиб кетиш ҳам мумкин. Мазкур ҳайкалларнинг бетакрорлиги шундаки унда одам танасининг айрим қисмлари умуман йўқ, ва шуниси билан одамларни ўзига жалб қилади.
Ҳайкалларнинг барчаси саёҳатчилар бўлиб, улар доим қаергадир шошиб кетаётган кўринишда яратилган. Мазкур скульптуралар муаллифи, француз ҳайкалтароши, 53 ёшли Бруно Каталано ўз асарларида замонавий одамларнинг жуда тез бўлган ҳаёт ритмида жуда кўп нарсаларни унутиб қўйишлари, ва вақтларини кераксиз нарсаларга сарфлашларини кўрсатиб беришни хоҳлаган.