Кўргазмалар
G'uncha Art Space лойиҳасининг биринчи кўргазмаси
00:00
Now playing
Выберите радиостанцию
Кўргазмалар
Фотонигоҳ: «Ярим туннинг ўзга томони»
Ўзбекистон тасвирий саънат галереясида «Ярим туннинг ўзга томони» номли кўргазма лойиҳасининг очилиши бўлиб ўтди. Ушбу лойиҳа британ-исроил ҳайкалтароши Цадок Бен-Давидга тегишли бўлиб, у европадаги энг машҳур ҳайкалтарошлардан бири ҳисобланади ва ўз бадиий услубига эга кишилардан бири.
Рассомнинг барча ишлари бутун дунёда таниқли ва эътирофга лойиқ бўлиб келган. Унинг барча асарлари моҳирона бажарилган бўлиб, инсталляция ҳайкаллари рассомнинг оригинал ғоя маҳсулидир.
Кўргазма муаллифи ҳақида қисқача: “Цадок Бен-Давид 1949 йили Йеменда туғилган бўлиб, айнан ўша йилнинг ўзида унинг оиласи Исроилга кўчиб ўтган. У Бецалель санъат Академиясини (Bezalel Academy of Arts), Авлиё Мартина санъат ва дизайн марказий колледжини (Central Saint Martins College of Art and Design) тамомлаган. Ҳозирги кунда Лондонда яшаб, ўша ерда фаолият юритади”.
.jpg)
Гўзал гул шаклида ясалган биринчи инсталляция "Blackflowers" ("Қора гуллар") деб номланади. Ушбу гуллар сони 22 та ва ҳар бири юпқа зангламайдиган пўлатдан ясалган бўлиб, ҳар бири қўл иши.
"Blackflowers" бу - "Blackfield" ("Қора майдоннинг") инсталляциясининг шаклий давоми.
“Қум майдони” эса, 20 мингдан ортиқ турли ҳил гуллардан иборат. Ҳар бир гул шакли бир тарафдан қаро рангда, бошқа тарафидан эса ранг-барангдир. Инсталляцияда Ер сайёрамизнинг турли қитъаларидаги 9 та ҳақиқатда мавжуд ўсимликлар тури тақдим этилган.
.jpg)
Рассомнинг яна бир ижод маҳсули бу «Ярим туннинг ўзга томони» деб номланган бўлиб, кўргазманинг номи ҳам худди шундай.
Ушбу инсталляцияни намойиш этиш учун махсус қоронғу бир хона тайёрланган бўлиб, ушбу хона марказига катта доира жойлаштирилган. Ушбу доиранинг бир тарафи флуоресцент (жилоланучи) бўёқлар билан бўялган 2 мингта капалаклардан, иккинчи тарафи эса совуқ ранглардаги турли ҳил ҳашоратлардан иборат. Ультрабинафша нурлар остида эса доира худди жонлангандек бўлади.
Муаллифнинг ушбу ижод махсули орқали инсонлар аввал гўзал капалаклардан мафтун бўлишади, кейин эса бу гўзалликнинг ўзга тарафини кўрадилар. Ҳа, муаллиф ушбу ижоди орқали ҳар бир гўзал нарсанинг ўзга, унчалик ёқимли бўлмаган тарафлари ҳам бўлиш ғоясини илгари сурган.
Кўргазмадан фотоҳисоботни бу ерда кўришингиз мумкин.
Kunutun.uz нинг Telegram’даги расмий
каналига обуна бўлиб, янгиликлардан кунутун хабардор бўлинг.
Нашр санаси:
26-03-2015
Шошилманг
Оммавий ахборот воситаси давлат рўйхатидан ўтганлиги ҳақидаги гувоҳнома № 0942 ЎзМАА томонидан 09.01.2013да берилган
© 2013-2020 Барча ҳуқуқлар ҳимоя қилинган. Фотосуратлар, сайт дизайни (ташқи безаги),
муаллифлик материаллари, ёки сайтда жойлаштирилган бошқа ҳар қандай материаллардан
фойдаланиш фақат сайт маъмурияти рухсати билан амалга оширилади. Сайтдан маълумот руҳидаги
ҳар қандай материални олиб бошқа сайтда жойлаштирилганда манбага фаол ҳавола кўрсатилиши шарт.
ИЗОҲЛАР 0