![](/images/small/35308-1.jpg?version=1673053783)
Шохруҳ Хон ва унинг оиласи
Шохруҳ Хон 1965 йилнинг 2 ноябрида Нью-Дели шаҳрида таваллуд топган. Унинг Шехназ исмли опаси бор. Отаси Тож Мухаммад Хон — адвокат бўлган ва Нью-Делига хизмат туфайли Пешавардан кўчиб келган. Шохруҳ Хон мактабни Нью-Делида тугатган, кейинчалик, 1988 йилда, — Дели Университетининг Иқтисодиёт бўлимини тамомлаган.
Актёр сифатида илк маротаба 1988 йилда экранга чиққан. Аввалига кичик-кичик телесериалларда суратга тушиб юрган Шохруҳ Хонга омад қуши 1992 йилда қўнга. У илк маротаба бош роль ижро этган «Девона» фильми ақл бовар қилмас даражада машҳурлик олиб келган.
Орадан 25 йил ўтса ҳам Шохруҳ Хоннинг кино оламидаги эътибори пасаймаган, аксинча у ҳинд киносининг ҳақиқий қиролига айланган десак муболаға бўлмайди.
Актёрлик карьерасининг бошидан бери Шохруҳ Хон 100га яқин фильмларда суратга тушган. Ундан ташқари актёр 10га яқин фильмларга продюсерлик қилган.
Актёрнинг шахсий ҳаётига тўхталадиган бўлсак, у 1991 йилда ота-онасининг ўлимидан сўнг Бомбейга кўчиб кетади ва шу йилнинг ўзида Гаури Чиббер исмли қиз билан турмуш қуради.
Улар 1997 йилнинг 13 ноябрида ўғил фарзанд кўриб, ўғилларига Арьян исмини берадилар. Орадан 3 йил ўтиб, 2000 йилнинг майида жуфтликнинг иккинчи фарзанди, қизалоқ Сухана дунёга келади.
2013 йилнинг 27 майида Хон оиласида яна бир фарзанд туғилади. Суррогат онадан дунёга келган ўғил фарзандларига Шохруҳ ва Гаури Абрам исмини берганлар.
![](/images/telegram_uz.png)
ИЗОҲЛАР 0