«Nexia» голограммаси ва тескари хона

Политехника музейида транспорт воситасининг ғилдираги яралиш тарихидан бошлаб рақсга тушувчи роботгача намойиш этишади. 

Музей дастурида ўзимизда ишлаб чиқарилган «Daewoo Nexia»нинг мини голограммаси, қолаверса музейнинг нодир тўпламидаги «Volkswagen Beetle» («Жук»), «Москвич – 400», «Чайка», «Победа»лар ва 1446 бўлакка ажратилган Chevrolet «Спарк» намойиш этилади.

Ташкилотчиларнинг таъкидлашича, интерфаол практикум секторида «Тесланинг ғалтаги»ни кўриш мумкин. Велосипедда энергия қувватини ҳосил этиб кўриш ва ўз кўзингиз билан рақсга тушаётган роботни кўришингиз мумкин.

Болалар учун махсус сенсор футболли хона ва тескари хона ташкил этилган.

Очиқ эшиклар куни Политехника музейининг очилишидан бери илк бор ўтказилмоқда. Музей 3 сектор «Ретро», «Модерн» ва «Интерфаол практикум»га бўлинган. 

Кўргазмага фақат бир кун кириш бепул, эртага, 19 август куни соат 10:00дан 18:00гача.

Kunutun.uz нинг Telegram’даги расмий каналига обуна бўлиб, янгиликлардан кунутун хабардор бўлинг.