Алишер Навоий номидаги кино саройи

Ўзбекистон Республикаси Вазирлар Маҳкамасининг 2004 йило 17 мартдаги “Ўзбеккино” Миллий агентлиги фаолиятини ташкил қилиш тўғрисида”ги қарори ҳамда “Ўзбеккино” Миллий агентлигининг 2004 йил 2 июлдаги буйруғига мувофиқ, Санъат саройи Алишер Навоий номидаги Кино саройи деб атала бошлади ва хўжалик ҳисобидаги давлат унитар корхонасига айлантирилди. Кино саройи илгари фақат 2 та 2000 ва 600 ўринлик катта ва кичик залдан иборат бўлган бўлса, ўзини ўзи маблаҳ билан таъминлаш асосида фаолият юритаётган кейинги йилларда жадал ривожланиб бориб, бугунги кунда 11 та кинозалдан иборат замонавий мултиплекс – кино комплексига айланди. 1998 йили 72 ўринлик киновидео зал, 2004 йили 500 ўринлик ёзги кинотеатр, 2006 йили 3 та 150 ўринлик кинозал, 2007 йили 150 ва 210 ўринлик кинозал, 2008 йили 2 та 120 ўринлик кинозал барпо этилиб, ишга туширилди.