Рейтинг: 2017 йилдаги энг талабгир актёр ва актрисалар

Тошкентдаги Алишер Навоий номли киносаройда 2017 йилнинг биринчи ярим йиллигида 40 дан ортиқ фильм премьераси бўлиб ўтди. Мазкур кинонамойишларга асосланган ҳолда йилнинг биринчи ярмида энг кўп бош ролларни ижро этган актёр ва актрисалар рўйхатини туздик.

Рўйхатга киритилган актёрлар орасида Муҳаммадисо Абдулхайиров биринчиликни қўлга киритган бўса, бир вақтлар деярли ҳар бир фильмда бош ролни ижро қилган актёр Улуғбек Қодиров йил давомида умуман фильмларда суратга тушмагани ва ушбу рўйхатдан ўрин олмагани ажиб ҳолдир. Демак, қуйида 2017 йилда энг кўп кўп фильмларда роль ижро этган актёрлар рўйхати билан танишинг. 

Биринчи ўринни тўрттадан фильмда суратга тушган Муҳаммадисо Абдулхаиров, Асқар Ҳикматов ва Шавкат Комиловлар бўлишиб олдилар. 

Муҳаммадисо Абдулхаиров — «Қайсаргинам 2», «Вой-дод 2», «Айғоқчи кампир 007», «Аҳмадбой ва Раҳматбой»

Асқар Ҳикматов — «Кетаман дедимми, кетаман», «Мистер Америка», «Коктейл», «Вой-дод 2»

Шавкат Комилов — «Она қизим», «Бебаҳогинам», «Жоним азобда», «Туғилмаганлар»

Иккинчи ўриндан эса учтадан фильм билан Адиз Ражабов ва Дониёр Ҳафизовлар жой олдилар.

Адиз Ражабов — «Оҳ, Салима, Салима», «Ҳамроҳ», «Эр бермоқ, жон бермоқ 2»

Дониёр Ҳафизов — «7 қават», «Вақт ўғриси», «Оташ ичра»

Йигитали Мамажонов, Мурод Ражабов ва Акбархўжа Расулов 2017 йилнинг биринчи ярмида иккитадан фильмда суратга тушганлар ва рейтингимизда учинчи поғонада. 

Йигитали Мамажонов — «Бегуноҳ», «Коктейл»

Мурод Ражабов — «Севади, севмайди», «Айғоқчи кампир 007»

Акбархўжа Расулов — «Оҳ, Салима, Салима», «Устуюртга йўл»

Қуйида 2017 йилда энг кўп роль ижро этган актрисалар рўйхати.

Актрисаларимиздан бу йил Ситора Алимжонова жуда фаол. У жорий йилнинг биринчи ярмида тўртта фильмда суратга тушган ва рейтингимизнинг биринчи поғонасида. Унинг ортидан Шаҳзода Матчонова ўрин эгаллаган. Унинг ҳисобида учта фильм ва рейтингимизда иккинчи ўрин. 

Ситора Алимжонова — «Вой-дод 2», «Севади, севмайди», «Жоним йиғлоқи», «Бегуноҳ»

Шаҳзода Матчонова — «Устуюртга йўл», «Оҳ, Салима, Салима», «Вирус»

Ўтган йили деярли суратга тушмаган Дилноза Кубаева бу йил ҳамкасблари Дилдора Ҳошимова, Феруза Норматова, Шаҳло Темирова, Сўғдиёна Азиомва ва Нигина Анорбоева билан рейтингимизнинг учинчи поғонасидан жой эгалладилар. Уларнинг ҳар бири иккитадан фильмда роль ижро этганлар. 

Дилноза Кубаева — «Эр бермоқ жон бермоқ 2», «Иснод»

Дилдора Ҳошимова — «Зулмат», «Кореядаги муҳаббат»

Феруза Норматова — «Она қизим», «Шикаст»

Шаҳло Темирова — «Эр бермоқ жон бермоқ 2», «Вақт ўғриси»

Нигина Анорбоева — «Оташ ичра», «7 қават»,

Сўғдиёна Азимова  — «Қайсаргинам 2», «Асрагил»

Kunutun.uz нинг Telegram’даги расмий каналига обуна бўлиб, янгиликлардан кунутун хабардор бўлинг.