alt alt    alt

 
КИРИШ/РЎЙХАТДАН ЎТИШ
00:00
Now playing
Выберите радиостанцию
Кино

Scorpion фильмининг саундтреки ёпиқ тақдимотидан

Премьераси PROlogue халқаро кинофестивали доирасида ўтказилиши кутилаётган триллерга Россия халқ артисти Валерия томонидан саундтрек куйлангани ҳақида хабар берган эдик.

alt

Мухлиса Азизова, фильм режиссёри:

Илья Зудин фильмдаги кадрларни кўриб, сюжети билан танишиб чиқиб, қўшиқни ёзди. Бу қўшиқни Полина Гагарина томонидан куйланиши ҳақида ҳам ўйлаб кўрганмиз. Лекин Валериянинг овозидаги дард айнан мана шу тарона учун мос эканлигига амин бўлганмиз. Валерия фильмдан лавҳаларни кўргач саундтрекни куйлашга розилик билдирди. Ўйлашимча фильмдаги бош қаҳрамон дардини жуда таъсирли қилиб етказиб бера олди.

alt

Раъно Шодиева, актриса:

Бу ролим бошқаларидан кескин фарқ қилади. Фильм экшн услубида суратга олинган. Менинг аксарият ролларим мунис, нафис, содда ўзбек аёлини акс эттирган. Бу фильмда психолог-аналитик образида намоён бўлганман. Бу ролга розилик беришимнинг сабабларидан бири унинг ўзимга, характеримга мослигида эди. Ўзим ҳам психологияга қизиққаним ва имконияти чекланган болалар ҳамда ёшлар билан ишлаганим учун бу образ менга яқин бўлди. Қаҳрамоним бир қарашда қаршисидаги инсонни ички дунёсини ўқий оладиган психолог. Ролни маромига етказиб бериш учун ҳар бир ҳаракатимга алоҳида аҳамият беришим керак эди. Меъёридан ошиб кетса томошабин ишонмай қолади, меъёрдан кам бўлса роль бўш бўлиб қолади. Айнан ўша меъёрни топиш сал қийин бўлди. Чунки биз ўзбеклар ўта ҳиссиётли, самимий халқмиз. Психологияга бўлган қизиқишим шу ролни маромига етказиб ижро этишимга ёрдам берди деб ўйлайман. 

altaltalt

Бугунги куннинг долзарб муаммоси – халқаро жиноятчилик мавзусидаги SCORPION фильмининг суратга олиш ишлари Тошкент шаҳри ва Бухоро вилоятлари, шунингдек Россия ва Марокаш давлатлари ҳудудида бўлиб ўтган. Сўнгги эпизодлар эса Санкт-Петербургда тасвирга олинган. Бу лойиҳанинг катта шов-шувга сабаб бўлганлиги, унда туркиялик машҳур актёр Мурат Йилдирим роль ижро этгани бўлди, десак муболаға бўлмайди. Фильмнинг яна бир ўзига жалб этган томони, жаҳонга машҳур оператор Макс Тцуи (Германия) ҳамда бошқа хорижий киноижодкорлар суратга олинганидадир.
Триллерда бош ролларни таниқли актёрлар Акбархўжа Расулов, Фарҳод Маҳмудов, Карим Мирҳодиев, Борис Ғофуров, Раъно Шодиева, Шаҳзода Матчонова, Юлдуз Раджабовалар ижро этганлар.

Мазкур фильм Ўзбекистон ёшлар иттифоқи, «Ўзбеккино» Миллий агентлиги, Ўзбекистон Республикаси Ички ишлар вазирлиги, Ўзбекистон Миллий телерадиокомпанияси ҳамда Кинематографияни ривожлантириш маркази томонидан суратга олинган.
 

 

Kunutun.uz нинг Telegram’даги расмий каналига обуна бўлиб, янгиликлардан кунутун хабардор бўлинг.
Нашр санаси: 30-10-2018

ИЗОҲЛАР 0

Авторизация Изоҳ қўшиш учун авторизация қилинг