Канн Халқаро кинофестивалида «Ўзбекистон» павильони
2018 йилнинг 8-19 май кунлари Франциядаги Фестиваллар ва конгресслар саройида биринчи маротаба тақдим этиладиган юртимиз павильони Ўзбекистон ёшлар иттифоқи, Кинематографияни ривожлантириш маркази ҳамда Ёш киноижодкорлар кенгаши томонидан ташкил этилмоқда.
Юртимиз павильони халқаро майдонда мамлакат имижини ошириш, келажакда республикамизнинг истеъдодли киноижодкорларини дунё миқёсида танитиш, Ўзбекистон кино санъатига халқаро ҳамжамият эътиборини қаратиш, шу билан бирга «PROlogue – 2018» кинофестивалида кўплаб хорижий мутахассис ва киноижодкорларнинг иштирокини таъминлаш ҳамда давлатимизнинг туризм салоҳиятини янада оширишда катта аҳамият касб этади.
Эслатиб ўтамиз, ўтган йили 70-Канн кинофестивалида Short Film Corner дастурида Ўзбекистон номидан иккита фильм иштирок этган. Бири режиссёр Анвар Сафоевнинг «Шамоллар атиргули» (Compass Rose) номли қисқа метражли фильми.
Иккинчиси эса ёш режиссёр Мухлиса Азизова томонидан суратга олинган ва Дмитрий Дюжев суратга тушган «У» номли қисқа метражли фильми.
ИЗОҲЛАР 0