III Параосиё ўйинларида Ўзбекистон учинчи поғонада

Индонезия пойтахти Жакарта шаҳрида III Параосиё ўйинлари давом этмоқда. Ўзбекистон терма жамоаси 22 та медаль – 14 та олтин, 5 та кумуш ва 3 та бронза қўлга киритиб, умумжамоа ҳисобида учинчи поғонани эгаллаб турибди.

8 октябрь куни Камолахон Абдуллаева (узунликка сакраш), Александр Свечников (найза улоқтириш) ва София Бурханова (ядро улоқтириш) Ўзбекистон терма жамоаси ҳисобига навбатдаги олтин медалларни олиб келдилар. Cузиш бўйича аёллар ўртасидаги мусобақаларда Фотимахон Амилова олтин, Шохсанамхон Тошпўлатова кумуш медални қўлга киритди. Эркаклар ўртасида эса Ислом Асланов олтин, Музаффар Турсунхўжаев кумуш ва Дмитрий Хорлин бронза медалига сазовор бўлди. 

Ядро улоқтириш баҳсларида Ўзбекистон шарафини ҳимоя қилган Ҳусниддин Норбеков 16,35 метр натижа қайд этди ва нафақат мусобақа ғолиблигини қўлга киритди, балки жаҳон рекордини ҳам ўрнатди.

Параосиё ўйинларида олтин ва кумуш медалларини қўлга киритган сузувчимиз Фотима Амилова билан 2016 йилги Паролимпия ўйинларидан сўнг қурган суҳбатимизни бу ерда ўқишингиз мумкин.

Kunutun.uz нинг Telegram’даги расмий каналига обуна бўлиб, янгиликлардан кунутун хабардор бўлинг.

III Параосиё ўйинлари, Ўзбекистон, олтин медаль, Фотима Амилова