Шокиннинг имкониятлари Олимпиадада юқори баҳоланди

Халқаро таэквондо федерациясининг расмий сайти таэквондочимиз Дмитрий Шокинни Dmitriy «Shock Force» Shokin, яъни «Шокнинг кучи» деб атади.

Халқаро таэквондо федерациясининг расмий сайти бўлмиш нуфузли worldtaekwondofederation.net каттагина таҳлилий мақола чоп эди. Унда айнан амалдаги жаҳон чемпиони Дмитрий Шокиннинг Олимпиада чемпионлиги учун имконияти юқори баҳоланган. Бу ҳақда olamsport.com хабар берган.

Чоп этилган мақолада Шокиннинг қисқа фурсатда оламшумул ютуқларни қўлга киритгани айтиб ўтилган. Дима 2014 йили Тошкентда ўтган Осиё чемпионати, 2015 йили Россиянинг Челябинск мезбонлик шаҳридаги Жаҳон чемпионатида олтин медални қўлга киритган.

Шуни айтиш жоизки, таэквондочимиз Шокин ўзи иштирок этган деярли барча Гран-при туркумига кирувчи мусобақалар шунингдек, Мастерсларда ғолиблик шохсупасига кўтарилган. Дмитрий 2015 йилнинг апрель ойидан шу кунга қадар ўз вазн тоифасида дунё таэквондочилари рейтингини бошқариб келмоқда.

5 августдан 21 августга қадар Рио-де-Жанейрода бўлиб ўтадиган Олимпиада ўйинларида Дмитрий Шокинга ва бошқа иштирокчи спортчиларимизга омад тилаб қоламиз.

Шунингдек ўқинг: Facebook орқали Олимпиадада ўзимизникиларни қўллаймиз

Kunutun.uz нинг Telegram’даги расмий каналига обуна бўлиб, янгиликлардан кунутун хабардор бўлинг.