Anor Atelier асосчисидан Fadi европа либослари бренди

Дилноза Умирзоқова ва Муқаддам Ибрагимовалар Зарқайнар мажмуасида бўлиб ўтган шоурумда енгил ва нафис итальян шойисидан иборат Fadi номли янги брендларини ҳавола этдилар.

Тўрт йилдан буён ўзбек мода оламида ўз ўрнига эга бўлган Anor Atelier асосчилари Дилноза Умирзоқова  ва Муқаддам Ибрагимовалар 27 июль санасида пойтахтимизда жойлашган «Зарқайнар» мажмуасига барчани шоурумлари очилишига таклиф этдилар ва Fadi номли янги европа брендини омма ҳукмига тақдим этдилар.

Нафислик оқшомини, гўзал овоз соҳибаси хонанда Шахло Ахмедова куйлари остида замонавий либослар намойиши очиб берди.

Шунингдек, шоурум очилишида меҳмонлар ўртасида ўйин ўйналиб, Fadi брендидан илк гўзал либосни ютиб олиш имкони берилди. Албатта бу кечанинг ажойиб туҳфаларидан бири бўлди.

«Ёшларбоп, замонавий европа брендини очиш ғояси бизда анчадан бери бор эди. Ундан ташқари шуни Anor Atelier мижозлари ҳам исташди. Биз замонавий мадо урфларидан, янги ранглар жилоси ва матолар тенденцияларидан бохабар бўлиш мақсадида деярли барча европа кўргазмаларида бўлдик. Навбатдаги сафардан қайтганимизда, тўғри аэропортдан ательега келиб, ўндан ортиқ либослар эскизларини яратдик. Янги бренд либослари учун барча матоларни биз Италиядан келтирамиз», - дейди Муқаддам Ибрагимова.
 

Fadi бу – икки дизайнернинг исмларидан олинган бўлиб, “Fa” - Муқаддам Фазуловна ва “di” – Дилноза Умирзоқова. Бренднинг логотипи одуванчик (момақаймоқ) бўлиб, у шоурум пештахталарига дизайнерларнинг ғоялари ва илҳомларини гўзал либослар кўринишида пуркаб юборади.

Ҳар иккала дизайнернинг таъкидлашича, кўпгина либослар эксклюзив бўлишига қарамай, демократик нархлар шопинг шайдоларини айтарли даражада лол қолдиради. Либослар 200 000 сўмдан бошланиб, ундан юқорини ташкил этади.  

Янги очилган шоурум «Зарқайнар» мажмуасининг биринчи қаватида жойлашган бўлиб, барча истак билдирганлар учун ҳизмат кўрсатади.

Kunutun.uz нинг Telegram’даги расмий каналига обуна бўлиб, янгиликлардан кунутун хабардор бўлинг.