Тошкент мода ҳафталиги: 1-кун тафсилотлари

Куз мавсумининг энг ёрқин тадбирларидан бири бўлиши кутилаётган Тошкент мода ҳафталиги ўз ишини бошлади. 
24 ноябр куни Ёшлар ижод саройида, ҳафталикни стилист ва визажистлар Республика кўрик-танлови очиб берди. Унда ўз ижод ишлари билан мутахассис стилист ва визажистлар иштирок этишди.


Стилист ва визажистлар Республика танлови 6 та номинация яъни, қуйидагилар бўйича ўтказилди:

- аёллар тўй турмаклари;
- куёв тимсолини яратиш;
- келин тимсолини яратиш;
- соч ўрам (косичка)элементларига эга миллий турмаклар;
- ускуна (машинка) ёрдамида салон турмаги;
- замонавий хонанда-аёл образини яратиш.



Танлов кун давомида қизғин тарзда ўтди, иштирокчиларнинг ишлари саҳнада намойиш этилди ва унинг якунида энг яхши иштирокчилар дипломлар билан тақдирландилар.


Биринчиликни, визажистлардан Безрукова Любовь ва Аграманян Кариналар қўлга киритишди, аёллар турмаги бўйича энг юқори балл эгаси Руслан Таджиев бўлди. Шунингдек, Андреева Ирэн, Абдукаримова Залина, Хамракулова Нигора ва Хоразмлик иштирокчи Нурматов Бобурлар ҳам биринчи ўринни эгалладилар. 





Танлов ҳақида таассуротлари билан Ирэн Андреева, «Black and white» гўзаллик салони сартароши:

“Мен аёллар тўй турмаклари ва соч ўрам (косичка)элементларига эга миллий турмаклар танловида иштирок этдим. Иштирокчилар орасида ғолиблик учун муносиблар жуда ҳам кўп. Кўпгина танлов иштирокчилар билан бирга ишлаганман. Ҳаммалиги истеъдодли, чаққон ва маҳоратли, аммо бизнинг ишда асосийси бу – фантазия. Мен бу танловдан жуда ҳам мамнунман”.


Ўзбекистон сартарошлар уюшмаси бошлиғи Фархот Шамуратов танлов ҳақида:

Санкт-Петербургдаги халқаро сартарошлар танлови ғолиби, тажрибали стилист ва ушбу танлов ҳайъат аъзоларидан бири Абдували Орифхўжаев барча иштирокчиларга саҳнада маҳорат дарси кўрсатди.

Биринчи кун шу тарзда ўз ниҳоясига этди. Тошкент мода ҳафталиги эса давом этади. Кейинги кунлар тафсилотлари албатта сайтимизда. Бизни кузатишда давом этинг.