Ўзбекистоннинг илк ММА чемпионати

Пойтахтимизда Аралаш жанг санъатлари бўйича ёшлар ва катталар ўртасида илк маротаба Ўзбекистон чемпионати бўлиб ўтди.

«Ўзбекистон» спорт мажмуасида бўлиб ўтган чемпионатда Жисмоний тарбия ва спорт вазири биринчи ўринбосари Равшан Ирматов, МОҚ Бош котиби Ойбек Касимовлар сўзга чиқдилар.

Шунингдек, ММА чемпионатида  Миллий олимпия қўмитаси президенти Рустам Шоабдураҳмонов, Аралаш жанг саньатлари ассоциацияси вице президенти Мурод Хонтўраев, ташкилий қўмита аъзоси Ҳасан Эргашев, Ёшлар терма жамоаси мураббийи Рондон Де Лима иштирок этдилар. Чемпионатда таниқли ўзбек спортчиларидан Муроджон Аҳмадалиев, Баҳодир Жалолов, Шоҳжаҳон Эргашевлар меҳмон бўлдилар.

Тўрт кун давом этган ММА бўйича ёшлар ва катталар ўртасидаги Ўзбекистон чемпионатининг сўнгги кунида ўнта вазн тоифасида ғолиблик учун кураш олиб бордилар.

52,2 кг вазн тоифасида навоийлик Хумоюншох Зокиров ва самарқандлик Одил Сайфиддиновлар финал баҳсида ғолиблик учун курашдилар. Мазкур беллашувда навоийлик жангчи устунлик қилиб, ғолибликни қўлга киритди.

56,7 кг вазн тоифасидаги беллашувда бухоролик Алимирзо Кенжаевнинг қўли баланд келиб, тошкентлик рақиби Беҳруз Исроиловни мағлубиятга учратди.

61,2 кг вазнда куч синашган жангчилар ўртасида ғолиблик унвони хоразмлик Сухроббек Отажоновга насиб этди. Шоҳсупанинг иккинчи поғонасига тошкентлик Иззатбек Одилжонов кўтарилди.

Чемпионатнинг бошқа ғолиб ва совриндорлари:

• Усмонов Феруз vs. Олимжонов Фаррух – 65,8 кг
• Акбаров Беҳруз vs. Рустамов Шукурилло – 70,3 кг
• Усмонов Дониёр vs. Ғуломхасанов Азизжон – 77,1 кг
• Болтаев Ислом vs. Хазратов Сардор – 83,9 кг
• Рахимов Хусан vs. Джабборов Дилшод – 93 кг
• Мухамматов Файзулло vs. Пўлатов Шаҳзод – 120,2 кг
• Халмуратов Ихтиёр vs. Асенбаев Азатбек – 120,2 + кг

Чемпионатдан фотоҳисоботни бу ерда кўринг.

Kunutun.uz нинг Telegram’даги расмий каналига обуна бўлиб, янгиликлардан кунутун хабардор бўлинг.

ММА, ММАА, Аралаш жанг санъати, Равшан Ирматов, Мурод Хонтўраев, Ойбек Касимов, чемпионат