ПРЕМЬЕРА: «Мен террорчи эмасман. Ўлимим тарихи»

Режиссёр  Муҳаммадали Искандаров томонидан суратга олинган «Мен террорчи эмасман» фильмининг тақдимоти бўлиб ўтди.

Алишер Навоий номидаги кино саройида бўлиб ўтган тақдимот маросимига ташриф буюрган таниқли ижодкорлар қизил йўлакчадан ўтдилар. Улар орасида Умид Искандаров ва Рената Искандарова, Бекзод Маҳкамов, Зарнигор Ғаниева, Бахтиёр Фаттоҳов, Феруза Юсупова, Зиёда Нормуродова, Нодир Мўминов, Жамшид Абдуазимов, спортчи Мурод Хонтўраев ва бошқаларни кўриш мумкин эди.

«Мен террорчи эмасман» бадиий фильми ўткир сюжетли ҳарбий драма жанрида, реал воқеаларга асосланган бўлиб, бош ролни Алихан Ҳусниддинов маҳорат билан ижро этди. Шунингдек, фильмда актёрлардан Санжар Джавбердиев, Зиёда Нормуродова, Насрулло Нуров, Шоҳрух Раҳимов,  Бекзод Таджиев, Садриддин Амриддинов ва бошқалар бир қатор ролларни маромига етказиб ижро қилишган.

Тақдимотдан аввал саҳнага фильмнинг барча ижодкорлари таклиф қилинди. Уларнинг фильм хусусидаги фикр-мулоҳазалари тингланди.

 Нурмуҳаммад Ҳусниддинов, актёр: 

«Мен террорчи эмасман» фильмининг  асосий мақсади томошабинларга, айниқса, ёшларга терроризмнинг мудҳиш моҳиятини, унинг инсоният келажаги учун нақадар хавфли эканлиги тушунтиришдан  иборат. Биз терроризмнинг очкўз ва хоин юзини кўрсатишга, пул учун ўз Ватани, ота-онаси, дўстларига  хиёнат  қилаётган манқурт ватанфурушларни аслиятини янада теранроқ очиб беришга  уриндик. Шунингдек, ушбу фильм орқали терроризм  ғояларининг асоссизлигини, унинг инсониятга душманлик ва жиноятчилик хусусиятини ва билиб-билмай шу йўл орақли мафкурамизга зид бўлган  ҳаракатларларни амалга оширган  ҳар бир жиноятчига жазо муқаррарлигини кўрсатишни ўз олдимизга мақсад қилдик. Ҳаётий воқеаларни мисол келтириш  орқали юртдошларимизни ҳушёрликка, зарур бўлганда эса ватанимиз  ҳимояси учун қалқон бўлишга доимо тайёр туришга, тинчликни қадрлаб, уни англатишга ҳаракат қилдик.

«Мен террорчи эмасман» фильми «Ўзбеккино» Миллий агентлиги, «Mir Ali cinema» ва «Iskandariy visual» кинокомпаниялари  билан  ҳамкорликда, Ўзбекистон Республикаси Давлат хавфсизлик хизмати  кўмагида суратга олинган. Ушбу фильм Россияда рус тилига ҳам таржима қилинди. Намойиш куни фильм икки тилда, яъни ўзбек ва рус тилларида томошабинлар эътиборига ҳавола қилинди.

Kunutun.uz нинг Telegram’даги расмий каналига обуна бўлиб, янгиликлардан кунутун хабардор бўлинг.