Бахриддин Чустийдан тез кунда янги китоб тақдимоти

Ўзбек ошхонаси ижодкори, Chustiy's cuisine, Оshxona.uz, SalSal масканлари асосчиси, ресторатор, ёш истеъдодли ошпаз Бахриддин Чустий тез кунда ўзбек ошхонаси таомларига бағишланган пазандалик китобини кенг омма ҳукмига тақдим этади.

Чустий муаллифлигидаги китоб, «Қуёшнинг 365 куни» - «365 дней солнца» деб, номланган. Китоб ўзбек, рус ва инглиз тилларида чоп этилади. Ҳозирда китобни немис тилига таржима қилиш бўйича ишлар олиб борилмоқда.

Бахриддин Чустий:

Китобни «Қуёшнинг 365 куни» деб номланиши сабаби шундаки, қуёш - ўзбек обинонига ўхшайди. Яъни, 365 кун ўзбегимнинг тўкин дастурхонидан аримайди.

Китоб Ўзбекистондаги гастрономик саёҳат ҳақида бўлиб, Чустий ва фуд-фотосуратчи Андрей Аракельян биргаликда бутун Ўзбекистонни кезиб, ноёб рецептлар, ўзбек ошхонаси мохир ошпазларини, гўзал манзараларни излаб, барчасини қоғозга туширганлар. Китоб жуда ҳам ёрқин рангларга бой, 200га яқин суратлардан иборат. Муаллиф таъкидлашича, китобнинг ҳар бир саҳифаси ошпазлик, фотографик ёки дизайнерлик шедеврларини ўзида мужассам этган.

Китобни 2000дан 3000гача бўлган нусхада чоп этиш режалаштирилган. Китоб тақдимоти май ойига мўлжалланган.

Китоб яратишда иштирок этган ижодий жамоа:

Фотосуратчи Андрей Аракелян:

Матн Мадина Рузматова;

Дизайн Даврон Абдуллаев;

Лойиҳа куратори Динара Дултаева.

Kunutun.uz нинг Telegram’даги расмий каналига обуна бўлиб, янгиликлардан кунутун хабардор бўлинг.