Рухшонадан ҳайит пишириқлари рецепти

Бунинг  учун керак бўладиган маҳсулотлар:

1.      1 кг ун;
2.      1 стакан сут;
3.      0,5 стакан эритилган қўй ёғи ёки сариёғ;
4.      1 дона тухум;
5.      2 ош қошиғида шакар;
6.      0,5 чой қошиғида туз;
7.      30 г хамиртуруш;
8.      Фритюр учун 1 кг ёғ (омихта ёғ бўлса яна ҳам соз бўлади).
   “Қуш тили” учун керакли маҳсулотлар:
 
1.      1 кг ун;
2.      0,5 стакан сув;
3.      2 та тухум;
4.      0,5 стакан сариёғ;
5.      1 ош қошиғида шакар;
6.      Қовуриб олиш учун 1 кг пахта мойи керак бўлади.

Хамир қориш тартиби:

Биринчи бўлиб шакарни озгина сувда эритиб оламиз, 2 та тухум чақиб хамир қоришга киришамиз, хамир қораётган вақтда унга ёғ ҳам қўшамиз. Хамирни қориб бўлганимиздан сўнг, уни бир зум тиндириб қўямиз. Хамир тингандан сўнг, ўқлов ёрдамида юпқа қилиб ёйма тайёрлаб оламиз. Кейин эса чети жимжима пичоқдан фойдаланиб, ўзизга ёқкан шаклда, тўрт бурчак, ромба ёки учбурчак шаклларида кесиб олишингиз мумкин.
Ёғ солинган қизиган қозонга хамир бўлакларини солиб пишириб оламиз. Қуш тилини пишираётган вақтингизда қозон бошидан кетманг, чунки қуш тили жуда ҳам тез қизариб, куйиб кетиш эҳтимоли ҳам йўқ эмас. Қуш тилини тилла рангга киргандан сўнг қозондан сузиб олишингиз мумкин. Човлига солиб, бир оз ёғини оқизиб олинг. Қуш тилини табингизга кўра шакар упаси билан ҳам безатишингиз мумкин.
 
 
Сизларга таклиф қилган рецептим маъқул келади деб умид қилиб қоламан.

Ҳайит айёмингиз муборак бўлсин!!!