Ҳомиладор аёллар таомномасида 5та "Ҳа" ва 5та "Йўқ"

Бугун биз ҳомиладор аёллар овқатланиши ҳақида гаплашамиз: фарзанд кутаётган оналар учун қандай маҳсулотлар фойдали, қайсилари эса аксинча.

Ҳомиладорлар учун фойдали маҳсулотлар:

Петрушка. Айнан петрушкада кўп миқдорда фолий кислотаси ва витамин С мавжуд, бу витаминлар эса кўпчиликка маълум ҳужайраларнинг тўғри бўлинишига, натижаси ўлароқ тўғри ривожланиш ва ҳомиланинг барча тўқималарини ўсишига жавоб беради. Балиқ. Балиқ жуда тез ҳазм бўлади ва кам калорияли маҳсулот ҳисобланади. Шу билан бирга унда ҳомиладор ва ҳомила учун жуда керакли бўлган катта миқдордаги оқсил моддаси мавжуд.  
 

Гречкали бўтқа. Бу маҳсулотнинг  фойдаси жуда кўп, энг асосийларидан бир эса унинг таркибидаги В гуруҳига кирадиган витаминлардир. Витамин В эса асаб тизимга жуда яхши таъсир кўрсатади.

Лекин шуни унутманг-ки, энг фойдали маҳсулотлар ҳам хоҳиш билан истеъмол қилинганда яхши натижа кўрсатади. Бирон бир маҳсулотни фақатгина фойдаси учун ўзингизни мажбурлаб еганингиздан катта фойда йўқ.
 
Келинг, энди бир қарашда безарар бўлган, лекин бўлажак она ва бола соғлиғига жиддий зарар кўрсатувчи маҳсулотлар ҳақида гаплашиз.

Ҳомиладорлар истеъмол қилиши мумкин бўлмаган маҳсулотлар:

Моғорли пишлоқ. Бу маҳсулот деликатес бўлгани билан моғор бактериялар ва замбуруғлар учун ажойиб муҳит. Шунинг учун ҳақиқий гурман бўлсангиз ҳам бу вақтда ушбу маҳсулотни таомномангиздан чиқариб ташлаганингиз маъқул.

Денгиз маҳсулотлари. Ҳомиладорлик даврида денгиз маҳсулотлари (саккизоёқлар, кальмарлар, мидиялар ва ҳ.к.) истеъмолидан ўзингизни тийганингиз маъқул, айниқса аввал бу маҳсулотларни емаган бўлсангиз.   Кўпинча ҳомиладорлик даврида аёлларда баъзи маҳсулотларга аллергик реакциялар пайдо бўлади, бу эса ҳомилага ёмон таъсир кўрсатиши мумкин.



Қаҳва. Бу маҳсулотда организмга тез сингадиган кофеин моддаси бўлиб, у ҳомиладор аёлда бачадон тонусини келтириб чиқиши мумкин.

Сунъий қўшимчалар қўшилган барча маҳсулотлар – дудланган колбаса маҳсулотлари, ярим тайёр маҳсулотлар, майонез, кетчуп, соуслар ва ҳ.к. Бу каби маҳсулотларнинг зарари ҳақида кўп гапирилган, албатта улардан келиб чиқадиган зарар бир зумда билинмаслиги мумкин, лекин аёллар учун энг нозик ва умидли даврда тажриба ўтказиш тўғри бўлмаса керак.

Шу билан ҳомиладор аёллар таомномасига мини-саёҳатимиз тугади. Бу мақолани тиббий кўрсатма эмас, шунчаки фойдали маслаҳатлар сифатида қабул қилсангиз мақсадга мувофиқ бўлади.